بیجنگ(نیوزڈیسک)چین میں گزشتوں دہائیوں میں آنے والے معاشی استحکام کے بعد ٹیکنالوجی کی ترقی کا سفر تیز تر ہوگیا ہے۔ کوئی دن نہیں جاتا جب کسی نہ کسی شعبے میں پیش قدمی کی خبر سامنے نہ آتی ہو۔
اس سلسلے کی تازہ اطلاع کے مطابق چین نے سیٹلائٹ انٹرنیٹ ٹیکنالوجیز کے لیے آزمائشی سیارہ لانچ کر دیا ہے۔ چینی خبررساں ادارے کے مطابق مغربی چین میں جیوکوان سیٹلائٹ لانچ سینٹر سے لانگ مارچ-2 سی کیریئر راکٹ کے ذریعے سیٹلائٹ انٹرنیٹ ٹیکنالوجیز کے لیے ایک آزمائشی سیٹلائٹ لانچ کیا ہے جو کامیابی سے اپنے طے کر دہ مدار میں داخل ہوگیا ہے۔
واضح رہے کہ یہ لانگ مارچ کیریئر راکٹ سیریز کا 505 واں فلائٹ مشن تھا۔