شمالی کوریا نے جنوبی کوریا کے دو جزائر کے قریب شیلنگ کی ہے۔جنوبی کوریا کی وزارتِ دفاع کی جانب سے یہ الزام عائد کیا گیا ہے۔وزارتِ دفاع جنوبی کوریا کا کہنا ہے کہ شمالی کوریا نے توپ خانے سے 200 سے زائد گولے فائر کیے ہیں۔غیر ملکی خبر ایجنسی کےمطابق جنوبی کوریا کے دونوں جزائر سے شہریوں کو فوری انخلاء کا حکم دیا گیا ہے۔غیر ملکی خبر ایجنسی نے بتایا ہے کہ جنوبی کوریا کی جانب سے جواب میں مناسب اقدامات کرنے کی دھمکی دی گئی ہے۔جنوبی کوریا کا کہنا ہے کہ سرحدی جزیروں کے قریب شیلنگ شمالی کوریا کا اشتعال انگیز عمل ہے۔جنوبی کوریا نے مطالبہ کیا ہے کہ پیانگ یانگ ایسی کارروائیاں روکے۔