نئی دہلی: بھارت میں ایک خاتون اور انکے والد کے درمیان ہونے والی مضحکہ خیز واٹس چیٹ انٹرنیٹ پر وائرل ہوگئی ہے۔

بھارتی میڈیا کے مطابق آنوی نامی خاتون نے حال ہی میں X پر اپنے والد کے ساتھ اپنی مزاحیہ واٹس ایپ چیٹ کا اسکرین شاٹ شیئر کیا جہاں وہ غلط انگریزی لفظ کے استعمال پر آنوی کا مذاق اڑا رہے ہیں۔

آنوی نے @whyanviwhy کے نام سے اپنے X اکاؤنٹ پر واٹس ایپ چیٹ کی تصویر شیئر کی جس میں ان کے والد ان کی انگریزی درست کرتے ہوئے دکھائی دے رہے ہیں اور ایک انگلش میڈیم اسکول میں پڑھا کر اپنا پیسہ ضائع کرنے پر ان کا مذاق اڑا رہے ہیں۔ جس پر خاتون نے کیپشن میں لکھا کہ “میرے والد کو کیا ہوگیا ہے؟”۔
چیٹ کے آغاز میں والد بیٹی کو اس کے اکاؤنٹ میں 40،000 روپے ڈپازٹ کرنے کے بارے میں آگاہ کرتے ہیں۔ پھر وہ آنوی سے تصدیق کرنے کو کہتے ہیں جس پر آنوی انگریزی میں جواب دیتی ہیں Yes, found (جی ڈھونڈ لیا)۔ ان کے والد ہنسنے کا اموجی بھیجتے ہیں اور انگریزی درست کرواتے ہوئے کہتے ہیں received (موصول ہوگئے)۔

والد پھر مزاحیہ انداز میں کہتے ہیں، ’انگلش میڈیم میں پیسہ برباد کیا ہے میرا‘۔ آنوی نے X پر چیٹ کا اسکرین شاٹ شیئر کیا اور تب سے اس پوسٹ کو تقریباً 100,000 ویوز اور 19,000 سے زیادہ لائکس مل چکے ہیں۔