اسلام آباد(سٹاف رپورٹر) سینئر نائب صدرپاکستان مسلم لیگ ن این اے 47 شازیہ زرین عباسی نے کہا ہے کہ امید سے یقین تک کے لیے نواز شریف بطور وزیر اعظم کی اشد ضرورت ہے ۔ ملک کی معیشت تباہی کے دہانے پر پہنچ چکی ہے کمرتوڑ مہنگائی نے غریب کا نوالہ چھین لیا اعلیٰ تعلیم یافتہ نوجوان خودکشی پر مجبور ہو گئے ۔پی ٹی آئی کے چار سالہ دورِ حکومت میں ملک تنزلی کا شکار ہوا نوجوان نسل اخلاقی گراوٹ میں مبتلا ہوئے ان کے اندر بدتہذیبی اور بداخلاقی کا بیج بویا گیا۔ سوشل میڈیا کے ذریعے معاشرے میں جھوٹ پر مبنی پروپیگنڈے کر کے نواز شریف کی حکومت کو گرایا گیا جبکہ ملک ترقی کی راہ پر گامزن تھا گوادر پورٹ اور سی پیک والے منصوبوں پر کام ہو رہا تھا سڑکوں کے جال بچھاے جا رہے تھے لوگوں کو روزگار مل رے تھے سرکاری ہسپتال کے اندر مفت ادویات مل رہی تھیں تعلیمی ادارے بنائے جا رہے تھے ملکی انفراسٹرکچر ترقی کر رہا تھا لیب ٹاپ سکیم ییلو کیب آسان قرضے یہ تمام کام نواز شریف دور میں ہوے ہمیں وہی دور پھر چاہے نواز شریف کی مثال آکسیجن کی ہے جس طرح زندگی کی بقا کے لیے آکسیجن ضروری ہے اسی طرح پاکستان کی بقا کے لیے نواز شریف ضروری ہے ان خیالات کا اظہار مسلم لیگ ن این اے 47 کی سینیر ناہب صدر شازیہ زرین عباسی نے خواتین کی کارنر میٹنگ میں کیا انہوں نے خواتین کو مسلم لیگ ن کے منشور سے آگاہ کیا اور آنے والے الیکشن میں بھرپور کردار ادا کرنے پر زور دیا خواتین ملک کی ترقی کے لیے ریڑھ کی ہڈی کی حیثیت رکھتی ہیں ان کا مثبت کردار ہماری کامیابی کا ضامن ہے اسلیے حالیہ الیکشن میں خواتین کو بڑھ چڑھ کر حصہ لینا ہوگا۔

مزید پڑھیں: نواز شریف کی سزاؤں کے خلاف اپیلوں پر سماعت ملتوی