اسلام آباد: (کرائم رپورٹر) اے این ایف نے 6 کارروائیوں میں 776 کلو گرام منشیات برآمد کرتے ہوئے 7ملزمان گرفتار کر لیے۔

ترجمان اے این ایف کے مطابق یہ کارروائیاں اسلام آباد، کراچی، فیصل آباد روڈ او کا اہ، زخہ خیل خیر، کوئٹہ اور قصور روڈ لاہور میں کی گئیں ، کارروائی کے دوران 279 کلو 994 گرام چرس، 50 کلوہیروئن برآمد کی گئی۔

ترجمان کے مطابق کارروائی میں 20.5 کلو زینیکس گولیاں ، 26 کلو ریووٹرل بھی برآمد کی گئی جبکہ ایک اور کارروائی کے دوران 49.8 کلو ولیم ، 344 کلوٹرا ماڈول گولیاں برآمد کر لی گئیں ۔

ترجمان اے این ایف کے مطابق گرفتار ملزمان کے خلاف انسداد منشیات ایکٹ کے تحت مقدمات درج کرلئے گئے ہیں۔