کراچی(نیوز ڈیسک)انٹربینک میں ڈالر کی قدر میں اضافہ ہو گیا جبکہ سٹاک ایکس چینج میں تیزی دیکھی جا رہی ہے، 100انڈیکس 74ہزار سے تجاوز کر گیا ہے۔

نجی ٹی وی کے مطابق انٹربینک میں کاروبار کے دوران اب تک ڈالر 10 پیسے مہنگا ہوکر 278.30 کا ہوگیا ہے جبکہ گزشتہ روز انٹربینک میں ڈالر 278.20 روپے پر بند ہوا تھا۔

دوسری جانب پاکستان سٹاک ایکسچینج میں آج کاروبار کا مثبت آغاز ہوا۔ 100 انڈیکس میں 430 پوائنٹس کا اضافہ ہوا جس سے انڈیکس 74 ہزار سے تجاوز کرگیا۔400 سے زائد پوائنٹس کے اضافے کے بعد انڈیکس 74229 پر جا پہنچا۔