راولپنڈی (سٹاف رپورٹر)پارکس اینڈ ہارٹٰکلچر اتھارٹی راولپنڈی کی جانب سے راولپنڈی جم خانہ میں پھولوں کی نمائش کا انعقاد کیا گیا ہے۔نمائش کا افتتاح کمشنر راولپنڈی لیاقت علی چھٹہ اور ا سٹیشن کمانڈر بر گیڈئیر احمد نواز نے کیا ۔نمائش میں پی ایچ اے راولپنڈی کے علاوہ دیگر اداروں نے بھی بھرپور شرکت کی ہے۔پارکس اینڈ ہارٹٰکلچر اتھارٹی راولپنڈی کی جانب سے عوام کو بہترین تفریحی سہولیات کی فراہمی کی جانب ایک اور اہم قدم، راولپنڈی جم خانہ میں پھولوں کی نمائش کا انعقاد کیا گیا ہے۔نمائش کا افتتاح میں کمشنر راولپنڈی لیاقت علی چھٹہ، اسٹیشن کمانڈر بر گیڈئیر احمد نواز، ڈائریکٹر جنرل پی ایچ اے احمد حسن رانجھا و دیگر اعلیٰ افسران بھی اس موقع پر کمشنر راولپنڈی کے ہمراہ تھے ۔ نمائش میں پی ایچ اے راولپنڈی کے علاوہ تعلیمی اداروں کے طلبا اور طالبات اور دیگر اداروں نے بھی بھرپور شرکت کی ۔نمائش میں مختلف رنگ برنگے پھولوں کے سٹال مختلف اداروں کی جانب سے سجائے گئے جو دلوں کو موہ لینے والے مناظرپیش کر رہے ہیں۔کمشنر راولپنڈی کی جانب سے شاندار پھولوں کی نمائش کے انعقاد پر پی ایچ اے راولپنڈی اور دیگرتمام اداروں کو جنہوں نے نمائش میں حصہ لیا خراج تحسین پیش کیا گیا۔