اسلام آباد(نیوزڈیسک)پمز جوائنٹ ایگزیکٹو ڈائریکٹر ڈاکٹر فرخ کمال کی ریٹائرمنٹ پر پمز میں پروقار تقریب منعقد کی گئی، تقریب سے ڈاکٹر اقبال درانی جے ای ڈی، ڈاکٹر عائشہ مجید رئیسانی ،ڈاکٹر رابعہ بلوچ، ڈاکٹر محمد ارشاد، چوہدری وارث رضا جے ای ڈی ،ملک طاہر محمود اعوان صدر نان گزٹڈ ویلفیئر ایسوسی ا یشن ،چوہدری وسیم ارشاد گجر اور دیگر مقررین نے خطاب کیا اور ڈاکٹر فرخ کمال کی 35 سالہ سروس پر روشنی ڈالی، ٹی وی اور سٹیج کے مایا ناز کمپیئر عبدالستار راجہ اور سابق پریس سیکرٹری تنویر نوشاہی نے اسٹیج سیکرٹری کے فرائض سرانجام دیے ،تقریب میں پمز کے پروفیسرز ،ڈاکٹرز ،نرسز ،آفیسرز، پیرامیڈکس ،نان گزیٹڈ،پوٹھوہار گروپ، پمز انقلاب گروپ،ہائوس کیپنگ ،کرسچن برادری اور پمز کے ملازمین نے بھرپور شرکت کی ،فیڈرل کلرک ایسوسی ایشن کے صدر ملک طارق سیالوی نے تلاوت اور نعت کی سعادت حاصل کی ،تقریب کے اختتام پر تمام افسران، ملک طاہر محمود عوان ،وسیم گجر، حاجی حنیف ،شوکت مسیح، رضوان کیانی ،سلیم مسیح اور دیگر نے ڈاکٹر فرح کمال کو شیلڈ پھول اور تحفے پیش کیے۔