راولپنڈی (سٹاف رپورٹر) اسلام مکمل ضابطہ حیات ہے اور اس کی آفاقی تعلیمات ابدی اور داہمی ہیں ۔قرآن مجید آسمان ہدایت کا سرچشمہ اور بنی نوع انسان کی رہنمائی کے لیے آخری الہامی کتاب ہے ۔یہ ایسا مینارہ نور ہے جو قیامت تک زندگی کے ہر گوشے کو منور کرتا رہے گا ۔ان خیالات کا اظہار مفکر اسلام مفسر قرآن علامہ سید ریاض حسین شاہ نے جامع مسجدادارہ تعلیمات اسلامیہ خیابان سرسید سیکٹر3 میں منعقدہ تقریب سے خطاب کرتے کیا، اس موقع نقابت کے فرائض حافظ محمد قاسم شیخ نے سرانجام دیے تقریب کا آغاز تلاوت قرآن پاک سے ہوا اور ہدیہ نعت رسول مقبول پیش کیا گیا حافظ محمد قاسم شیخنے کہا کہ یہ ادارہ تعلیمات اسلامیہپاکستان مفکر اسلام مفسر قرآن علامہ سید ریاض حسین شاہ کی سربراہی میں قائم کیا جو بہتر نتائج کا حامل ہے علامہ سید ریاض حسین شاہ نے کہا کہ کلام الٰہی نبی آخر الزماں حضرت محمدؐ کے قلب اطہر پہ نازل ہوا اور زبان مقدس سے جاری ہوا اور حضور کی حیات طیبہ قرآن مجید کی عملی تفسیر ہے ۔تاریخ اسلام میں سب سے پہلا سکول غار حراء کی خلوتوں میں قائم ہوا اس کے واحد طالبعلم تاجدارِ کائنات اور استاد خود خالق کائنات ٹھہرے ، انھوں نے کہا کہ غیر مسلم اور منکرین قرآن کے کھلے چیلنج کے جواب میں بندوق اسلحہ یا آگ کی بجائے دلیل کی زبان میں بات کرتے مگر ساڑھے چودہ سو سال سے زاہد عرصہ گزرنے کے باوجود دنیائے یہودیت اور یہود و ہنود اور مشرکین نے آج تک قرآن مجید کے اس چیلنج کا جواب نہیں دیا ۔پیر سید فیصل ریاض حسین شاہ ، پیر سید نعمان شاہ ، علامہ حافظ محمد قاسم شیخ ، علامہ مفتی لیاقت علی نقشبندی ، علامہ پروفیسر رضوان انجم ،نے بھی خطاب کیا