اسلام آباد (کرائم ڈیسک) تھانہ سہالہ کی حدود میں واقع گاؤں پیر سوہاوہ میں بچوں کی لڑائی میں بڑے کود پڑے ،فائرنگ سے 3افراد قتل جبکہ 5زخمی ہوگئے۔

ہوا کچھ یوں کہ بچوں کے درمیان معمولی سی بات پر جھگڑا ہوا ، بات بڑھتے بڑھتے بڑوں تک پہنچی اور بڑوں نےبھی بجائے سوچنے سمجھنے کے ہتھیار اٹھا لیے۔مسلح تصادم کے نتیجے میں تین افراد قتل ،پانچ زخمی ہوگئے۔لاشوں اور زخمیوں کو ہسپتال منتقل کر دیا گیا ہے۔پولیس کے مطابق افسوسناک واقعہ میں جاں بحق افراد کی شناخت غلام مصطفیٰ ،پرویز اور زبیر اقبال کےنام سے ہوئی ہے۔