گوجرانوالہ (کرائم رپورٹر)گوجرانوالہ میں ڈاکو بے لگام ہو گئے، شہریوں پر فائرنگ کرنا مشغلہ بنا لیا ۔تفصیلات کے مطابق تھانہ سیٹلائٹ ٹاؤن کے علاقے میں ڈاکوؤں نے میاں بیوی کو لوٹ لیا۔مزاحمت کرنے پر ڈاکو خاتون پر تشدد اور فائرنگ کرتے رہے ۔ڈاکوؤں کی واردات کرنے میاں بیوی پر فائرنگ اور تشدد کرنے کی سی سی ٹی وی فوٹیج منظر عام پر آ گئی ۔فوٹیج میں ڈاکوؤں کو خاتون تشدد اور فائرنگ کرتے صاف دیکھا جا سکتا ہے ۔ڈاکو نقدی رقم اور طلائی زیورات لوٹ کر فرار ہو گئے ۔پولیس نے موقع پر پہنچ کر واقعہ کی تحقیقات شروع کردی ۔پولیس نے کہاہے کہ سی سی ٹی وی فوٹیج کی مدد سے ملزمان کی تلاش شروع کر دی ہے۔