اسلام آباد(سٹاف رپورٹر)اے این ایف نے ملک بھر میں 5 مختلف کارروائیوں میں 128 کلو گرام سے زائد منشیات برآمد کرلی جبکہ 5 ملزمان کو بھی گرفتارکرلیاگیا،گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ۔تفصیلات کے مطابق اینٹی نارکوٹکس فورس(اے این ایف)کا منشیات اسمگلنگ کے خلاف کریک ڈائون جاری ہے۔پشاور ایئرپورٹ پر جدہ جانے والے مسافر سے 40 عدد ہیروئن بھرے کیپسولز برآمدکرلئے،جبکہ زخہ خیل خیبر سے 63 کلو چرس برآمدکی گئی،اسی طرح نیشنل ہائی وے حیدرآباد کے قریب دو ملزمان سے 58.8 کلو چرس برآمدکر لی گئی،نور شاہ روڈ ساہیوال میں ملزم سے 4.8 کلو چرس برآمد ہوئی۔جی ٹی روڈ سوہاوہ جہلم کے قریب ملزم سے 1.2 کلو چرس برآمد کی گئی،گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ۔