اکثر سوشل میڈیا پر چند ایسی خبریں سب کی توجہ بخوبی حاصل کر لیتی ہیں جس میں کچھ ایسا ہوتا ہے جو کہ عام طور پر انسان سوچ بھی نہیں سکتا ہے۔
ایک ایسی ہی ویڈیو نے صارفین کی توجہ اپنی جانب مبذول کی جو ایک جاپانی جوڑے کی ہے اور اہلیہ شوہر کو دیکھ کر روتی دکھائی دے رہی ہے۔
سوشل میڈیا صارف کی جانب سے ویڈیو شئیر کرتے ہوئے کیپشن میں بتایا گیا ک کہ دوسری جنگ عظیم سے قبل شادی کے بندھن میں بندھنے والا یہ جوڑا جنگ کے دوران بچھڑ گیا تھا۔
جنگ کے دورا ایک دوسرے سے الگ ہونے والا یہ جوڑا اب 54 سال بعد ایک دوسرے کو ملا ہے، لیکن اس خاص دن اہلیہ کو دھچکا کچھ یوں ملا کہ شوہر نے دوسری شادی بھی کر لی تھی۔
شوہر نے دوسری شادی تو کی، لیکن پہلی اہلیہ یہ دیکھ کر بھی حیران رہ گئیں کہ شوہر کے دوسری اہلیہ سے بچے بھی ہو گئے۔
وفا شعار بیوی نے شوہر کے بچھڑنے کے 54 سال تک دوسری شادی نہیں کی اور اسی امید میں رہی کہ آج نہیں تو کل شوہر کو ڈھونڈ لے گی۔
سوشل میڈیا پر اس ویڈیو کو دیکھ کرصارفین خاصا جذباتی ہوئے اور ویڈیو کو سراہتے ہوئے تعریفی تبصرے بھی کر رہے ہیں۔
