اسلام آباد: وفاقی وزیراطلاعات عطااللہ تارڑنےقومی اسمبلی میں تحریک انصاف کے ارکان کے رویہ کو بچکانہ قرار دیدیا۔
وفاقی وزیراطلاعات عطااللہ تارڑکامیڈیاسےگفتگوکرتےہوئےکہناتھاکہ وزیراعظم کی سربراہی میں معاشی اصلاحات کے ایجنڈے پر کاربند ہیں،حکومت کی تمام توجہ معاشی مسائل کو حل کرنے پر مرکوز ہے، اداروں کی نجکاری، ٹیکس اصلاحات، اخراجات میں کمی، ایف بی آر کی تنظیم نو حکومت کی ترجیحات ہیں، ملک کے اشرافیہ کو ٹیکس نیٹ میں لانا ہے، وزیراعظم نے پچھلے چند دنوں میں اس ایجنڈے پر برق رفتاری سے کام کیا ہے،باقاعدگی سے ٹیکس ادا کرنے والوں کو ایوارڈ سے نوازا جائے گا۔
عطااللہ تارڑکامزیدکہناتھاکہ برآمدات کے شعبے میں نمایاں کارکردگی دکھانے والوں کو اعزازات سے نوازا جائے گا،ٹیکس چوری کرنے والوں کے خلاف کارروائی بھی کی جا رہی ہے،وفاقی وزرا یوٹیلیٹی اسٹورز کا دورہ کر رہے ہیں، مؤثر نظام بنایا گیا ہے: اس ملک کی معیشت میں بہتری لانے کے لئے روڈ میپ بن رہا ہے، کل ریکوڈک کے حوالے سے اجلاس میں اس کان سے ذیادہ سے ذیادہ فائدہ حاصل کرنے پر بات ہوئی،یہ وہ منصوبے ہیں جو پاکستان کے زر مبادلہ میں بہتری لائیں گے۔
وفاقی وزیرکاکہناتھاکہ سیکیورٹی فورسز، قانون نافذ کرنے والے اداروں پر مکمل اعتماد ہے، جان کا نذرانہ پیش کرنے والے شہداء کو سلام پیش کرتے ہیں، کریم جان نامی دہشت گرد کو ہلاک کر دیا گیا، اسے بھی جبری گمشدہ ظاہر کیا گیا، انتہائی حساس معاملات ہیں جنہیں دیکھنا ہو گا،جبری گمشدگیوں کی فہرست میں کتنے لوگ ایسے ہیں جو ملک کی سالمیت پر حملہ کرتے ہیں، گوادر ہماری تجارت کا مرکز، سی پیک کا حصہ ہے، گوادر پورٹ پر حملے میں شہید ہونے والوں کو سلام پیش کرتے ہیں۔
عطااللہ تارڑکامزیدکہناتھاکہ تحریک انصاف اس وقت ٹوٹ پھوٹ کا شکار ہے، قومی جماعت کے اراکین کا رویہ چھوٹے بچوں والا ہے، آپ قومی جماعت ہیں، میثاق معیشت کے حوالے سے کردار ادا کریں، یورپی یونین کے بجائے الیکشن ٹریبونلز سے رجوع کریں، ڈونلڈ لو نے آپکو سرٹیفائیڈ جھوٹا قرار دیا، قومی دھارے میں آ کر مثبت اور تعمیری سیاست کریں۔
وزیراطلاعات کاکہناتھاکہ احد چیمہ کے بچے اسلام آباد منتقل ہوچکے تھے، احد چیمہ کے بچے اگرااسلام آباد میں شفٹ ہوچکے تھے تو فیس کس بات کی دیتے،احدچیمہ کی اہلیہ نے قانون کےمطابق گورنر کو درخواست دی، گورنر پنجاب نے قانون کے مطابق درخواست پر فیصلہ دیا۔
