پشاور( نیوزڈیسک) الیکشن کمیشن آف پاکستان نےخیبرپختونخوا اسمبلی میں سینیٹ الیکشن ملتوی کردئیے، خیبرپختونخوا اسمبلی میں اپوزیشن اراکین نے سینیٹ انتخابات ملتوی کرنے کیلئے درخواست جمع کرائی تھی۔
خیبرپختونخوا اسمبلی میں سینٹ انتخابات کیلئے انتظامات مکمل تھے، پولنگ عملہ بھی موجود تھا تاہم اسمبلی میں مقرر کردہ وقت (9 بجے) سینیٹ انتخابات شروع نہ ہوسکے۔
انتخابات ملتوی کروانے کی درخواست اپوزیشن کے احمد کریم کنڈی نے صوبائی الیکشن کمشنر کے پاس جمع کرائی جس میں مؤقف اختیار کیا گیا کہ ہمارے 25 ارکان سے ابھی تک حلف نہیں لیا گیا، الیکشن ملتوی کیا جائے۔
صوبائی الیکشن کمشنر نے اپوزیشن کی درخواست پر چیف الیکشن کمشنر سے رابطہ کیاتھا۔
