پاکستان تحریک انصاف (پی ٹی آئی) نظریاتی کے چیئرمین اختر اقبال ڈار کے گھر پر فائرنگ ہوئی، جس میں بال بال بچ گئے، گاڑی کا شیشہ ٹوٹ گیا۔
نجی ٹی وی کے مطابق چیئر مین پی ٹی آئی نظریاتی اختر اقبال کے شیخو پورہ میں واقع گھر پر فائرنگ کا واقعہ پیش آیا ہے، اختر اقبال ڈار نے کہا کہ پسٹل کی گولی گھر میں کھڑی کار کے فرنٹ شیشے پر لگی، اللہ کا شکر ہے محفوظ رہا، جب گولی فائر ہوئی تب لان میں بیٹھا ہوا تھا۔
انہوں نے کہا کہ شیخوپورہ پولیس کو فائرنگ کے واقعے کے خلاف درخواست جمع کرادی ہے، نامعلوم افراد اور سیاسی مخالفین نےمجھے ڈرانے دھمکانے کے لیے ایسا کیا۔
اختر اقبال ڈار نے وزیراعلی پنجاب اور آئی جی پنجاب سے نوٹس لینے کا مطالبہ کرتے ہوئے کہا میں کرپشن کیخلاف آواز اورحق کا علم بلند کرتا رہوں گا۔
