گوجرانوالہ(بیورو رپورٹ)صدر وومن ونگ پاکستان تحریک انصاف محترمہ کنول شوذب کی ہدایت کے مطابق گوجرانوالہ سے پاکستان تحریک انصاف کی راہنما سابق ایم پی اے نیئر مرتضیٰ لون اور ویسٹ ریجن سے عہدیداران خواتین بشری بی بی عدت کیس کی سماعت کے موقع پر بانی پی ٹی آئی عمران خان اور بشریٰ بی بی سے اظہار یکجہتی کے لئے اسلام آباد پہنچیں۔جہاں پر انہوں نے عدالتی کاروائی بھی دیکھی ۔بعد ازاں پی ٹی آئی وومن ونگ سنٹرل پنجاب کے آفس کا دورہ بھی کیا۔جہاں پرصدر وومن ونگ پی ٹی آئی پاکستان تحریک انصاف محترمہ کنول شوذب اور تحریک انصاف کے مرکزی ترجمان رئوف حسن اور جنرل سیکرٹری وومن ونگ پی ٹی آئی روبینہ شاہین. ایڈیشنل جنرل سیکرٹری وومن وونگ فرخندہ کوکب ،سمیرا عابدسیکرٹری اطلاعات وومن ونگ سنٹرل پنجاب اور وومن ونگ کی دیگر عہدیداران سے بھی ملاقات کی۔اس موقع پر نیئر مرتضیٰ لون نے اظہار خیال کرتے ہوئے کہا کہ امید کرتے ہیں کہ آئینی، قانونی اور اسلامی لاز کے مطابق عدالت فیصلہ کرے گی ۔ مرکزی ترجمان پی ٹی آئی رئوف حسن سے ملاقات کے موقع پر نیئر مرتضیٰ لون نے ان پر حملے کی شدید مذمت کرتے ہوئے کہا ہے کہ پوری قوم جانتی ہے کہ ہماری قیادت پر ایسے حملے کون کروا رہا ہے۔اس موقع پر وومن ونگ سنٹرل پنجاب سے خواتین بشمول نائب صدور وومن ونگ سنٹرل پنجاب راحیلہ کوثر، رخسانہ رضا، ضلعی صدر شیخوپورہ جمیلہ یونس ، ضلعی صدر گوجرانوالہ نیئر مرتضی لون، جنرل سیکرٹری گوجرانوالہ عنصر اور دیگر عہدے داران، ضلع گجرات سے روبینہ شاہین سابق صدر تحصیل کھاریاں، عظمی بتول سابق ایڈیشنل جنرل سیکرٹری گجرات، غزالہ زمان۔شہلا خان نیازی ۔صبا نورین صدر یو سی ڈنگہ نے شرکت کی ۔