لاہور (بیورو رپورٹ)صدر استحکام پاکستان پارٹی و وفاقی وزیر عبدالعلیم خان نے پشاور کے علاقے حسن خیل میں انٹیلی جنس بیسڈ آپریشن کے دوران دہشت گردوں کی فائرنگ کے بزدلانہ اقدام کی مذمت کی ہے اور اس افسوس ناک واقعے میں بہادر آفیسر کیپٹن حسین جہانگیر اور ہوالدار شفیق اللہ کی شہادت پر انہیں خراج عقیدت پیش کرتے ہوئے کہا ہے کہ وطن کیلئے پاک فوج کی قربانیاں رائیگاں نہیں جائیں گے،پوری قوم اپنے محافظوں اور نڈر جوانوں کے ساتھ ہے اپنے ٹوئٹ میں وفاقی وزیر عبدالعلیم خان نے شہداء کے درجات کی بلندی اور غم زدہ خاندانوں کے لیے صبر جمیل کی دعا کی اور دہشتگردی کے عفریت پر قابو پانے کے لیے عسکری اداروں کے عظم اور مسلسل کاوشوں کو شاندار الفاظ میں سراہا۔وفاقی وزیر نجکاری،سرمایہ کاری بورڈ اور مواصلات عبدالعلیم خان نے شہرہ آفاق اداکار طلعت حسین کے انتقال پر بھی دلی دکھ اور افسوس کا اظہار کرتے ہوئے کہا کہ بلا شبہ طلعت حسین لینجڈ اداکار اور اعلیٰ شخصیت کے حامل نفیس انسان تھے جن کی ٹیلی ویژن کے میدان میں خدمات کو تا دیر یاد رکھا جائے گا۔عبدالعلیم خان نے کہا کہ طلعت حسین نے فن اور فنون لطیفہ کے لیے جو خدمات سر انجام دیں وہ اس عہد کا سنہری باب ہے،وفاقی وزیر عبدالعلیم خان نے دعا کی کہ اللہ تعالیٰ مرحوم کو جواررحمت میں جگہ عطا فرمائے اور غم زدہ خاندان اور طلعت حسین کے چاہنے والوں کو یہ صدمہ حمت اور حوصلے سے برداشت کرنے کی توفیق دے۔