پاکستان کوسٹ گارڈزکی گھارو میں کاروائی چھالیہ برآمد اور جیونی جٹی گوادر سے غیر قانونی تارکین وطن گرفتار. پاکستان کوسٹ گارڈز نے باوثوق ذرائع سے ملنے والی اطلاع کی بنیاد پر گھارو روڈ چیک پر معمول کی چیکنگ کے دوران کراچی سے بوھاڑو جانے والے ایک ڈیمپر ٹرک سے 2,775 کلو گرام غیر قانونی چھالیہ بر آمد کر لی گئی.برآمد شدہ چھالیہ اور ڈیمپر کو قبضے میں لے کر قانونی کاروائی شروع کر دی ہے.ایک اور کارروائی میں جیونی جٹی گوادر کے علاقے سے سپیڈ بوٹ کے ذریعے ایران سے پاکستان آنے والے 12 غیر قانونی تارکین وطن کو گرفتار کر کے ایف آئی اے کے حوالے کر دیا گیا ۔واضح رہے کہ پاکستان کوسٹ گارڈز ہر قسم کی اسمگلنگ کی روک تھام کے لیے ہمہ وقت مصروف عمل ہے اور ملکی معیشت کو مستحکم کرنے میں اپنا کردار ادا کر تی رہے گی۔