گوجرانوالہ(بیورو رپورٹ)پاکستان پیپلز پارٹی کے راہنما ٹکٹ ہولڈر ایم این اے NA.78طارق محمود مغل نے چیئرمین گوجرانوالہ ویسٹ مینجمنٹ کمپنی چودھری کاشف اسماعیل گجر سے ان کے آفس میں ملاقات کی ۔ ملاقات میں شہر کے صاف ستھرے ماحول کی فراہمی یقینی بنانے کے لئے چودھری کاشف اسماعیل گجر کی قیادت میںکمپنی کی کارکردگی کی تعریف کرتے ہوئے کہا کہ گوجرانوالہ ویسٹ مینجمنٹ کمپنی کی کارکردگی مثالی ہے۔ پنجاب بھر کی ویسٹ مینجمنٹ کمپنیز میں سب سے بہتر کارکردگی گوجرانوالہ ویسٹ مینجمنٹ کمپنی کی ہے۔ GWMC مثالی کارکردگی دکھا رہی ہے اور چیئرمین GWMC چودھری کاشف اسماعیل گجر کی کاوشیں قا بل ستائش ہیں۔اس موقع پر ۔ چیئرمین گوجرانوالہ ویسٹ مینجمنٹ کمپنی چودھری کاشف اسماعیل گجر نے کہا کہ گوجرانوالہ کو ایشیا کا خوبصورت شہر بنانے کے لئے تمام وسائل بروئے کار لائے جارہے ہیں۔ انہوں نے بتایا کہ گلی محلوں کے ساتھ ساتھ قومی شاہراہ جی ٹی روڈ کو ہمہ وقت صاف رکھنے کے لیے سپیشل سکوارڈز بنائے گئے ہیں جو شفٹوں میں مکینیکل سویپنگ کیساتھ ساتھ مینوئل سویپنگ کے ذریعے صفائی برقرار رکھنے میں کوشاں ہیں۔