اسلام آباد(پریس ریلیز) پیپلز لیبر بیورو کے انچارج چوہدری منظور احمد نے کہا ہے کہ سول ایوی ایشن، ائیرپورٹس، سرکاری سکولوں، پی آئی اے سمیت کسی بھی سرکاری ادارے کی نجکاری کے خلاف ہیں، پاک پی ڈبلیوڈی کو بند نہ کیا جائے ، وزیر اعظم پاکستان پاک پی ڈبلیو ڈی کےمحکمے کو ختم کرنے کے فیصلے پر نظر ثانی کریں، سرکاری ملازمین کی تنخواہوں اور پینشن میں فوری طور پر کم از کم پچاس فیصد اضافہ کیا جائے جبکہ صنعتی ملازمین کی کم از کم تنخواہ چالیس ہزار مقرر کی جائے، تمام سرکاری اداروں میں کام کرنے والے ایڈہاک اور کنٹریکٹ ملازمین کو ریگولر کیا جائے، بجٹ اجلاس کے موقع پر پاکستان لیبر فیڈریشن، پیپلز لیبر بیورو اور اگیکا کا مشترکہ احتجاج پارلیمنٹ کے سامنے ہوگا، چوہدری منظور احمد نے ان خیالات کا اظہار نیشنل پریس کلب اسلام آباد میں تحفظ پاک پی ڈبلیو ڈی جوائنٹ ایکشن کمیٹی کے ممبران سید ذیشان شاہ، سید نذر شاہ، طارق چوہدری و دیگر کے ہمراہ پریس کانفرنس کرتے ہوئے کیا، چوہدری منظور احمد کا مزید کہنا تھا کہ لگتا ہے کہ نجکاری کے پیچھے ان اداروں کے اثاثوں پر نظر ہے، پاک پی ڈبلیو ڈی کو بند کرنے کی بجائے اس میں اصلاحات کر کے مزید موثر اور مفید اور کرپشن سے پاک ڈیپارٹمنٹ بنایا جا سکتا ہے، پاک پی ڈبلیو میں ٹینڈرنگ سسٹم ای رائج کیا جائےجس سے ٹینڈرز ایوارڈ کرنے میں شفافیت ہو گی اور کوئی بھی من مانی نہیں کر سکے گا اس سے کرپشن صفر ہو جائے گی، ڈیپارٹمنٹ کے اچھی شہرت کے حامل افسران پر کمیٹی بنائی جائے جو پراجیکٹ مکمل ہونے پرسائٹ وزٹ کرے اور تسلی ہونے کے بعد کمپلیشن سرٹیفکیٹ جاری کرے، ادارہ ڈائریکٹ میٹیریل کی خریداری کرے اپنے ہنر مند افراد کا صیح استعمال کرے،ڈیپارٹمنٹ میں خالی آسامیاں پر کی جائیں،اس میں مزید اصلاحات کر کے اس ڈیپارٹمنٹ کو جدید دور کے ہم آہنگ کر کے پورے پاکستان میں وفاق کی نمائندگی کرنے والا ادارہ فیڈرل حکومت کے اثاثہ جات کو محفوظ بنانے والا ادارہ کم لاگت میں پاکستان کی ترقی و خوشحالی میں اہم کردار ادا کرنے والا ادارہ بنایا جاسکتا ہےاور اس کی ساکھ بحال کی جاسکتی ہے،ہم اصلاحات کرنے کرپشن کی وجوہات کی تلاش اور روک تھام کیلئے وزیر اعظم پاکستان کے ساتھ مکمل تعاون کرنے کو تیار ہیں، اس وقت پورے پاکستان میں وزیر اعظم پاکستان میاں شہباز شریف کے محکمے کو بند کرنے کے احکامات کے خلاف پورے ملک میں ملازمین سراپا احتجاج ہیں، پورے ملک میں پر امن احتجاج اور دھر نے جاری ہیں، وزیر اعظم پاکستان کے محکمے کو بند کرنے کے حکم کو واپس لینے تک ہم ملازمین اپنی جان کی پرواہ کیے بغیر اپنی ماں جیسے محکمے کو بچانے کیلئے قانون کے اندر رہتے ہوئے جو بن پڑا کریں گے اور وزیر اعظم پاکستان کے محکمہ کو بند کرنے کے فیصلے کو واپس لینے تک پورے ملک میں احتجاج اور دھر نے جاری رکھے جائیں گے۔