گوجرانوالہ ( بیورو رپورٹ)صدر مر کزی انجمن تاجران گوجرانوالہ شیخ بابر کھرانہ ، جنرل سیکرٹری میاں ثاقب غفور، صدر کلاتھ مارکیٹ بورڈ شیخ افضل جج اور جنرل سیکرٹری شیخ جواد اسحاق اور چیئرمین سپریم کونسل موبائل ایسوسی ایشن ملک سلیم نے وفاقی بجٹ کو تاجر قاتل اور آئی ایم ایف فرینڈلی بجٹ قرار دیتے ہوئے کہا ہے کہ بجٹ اقدامات سے مہنگائی کا طوفان برپا ہوگا ۔ وفاقی بجٹ کو مسترد کرتے ہوئے کہا کہ حکومت نے عید قربان سے قبل پاکستانی عوام اور معیشت کو قربان کرنے کا بجٹ پیش کیا ہے ،بجٹ میں نہ کوئی مستقل کی سمت اور نہ ہی کو ئی پالیسی گائیڈ لائن پیش کی گئی ہے ۔ صدر مر کزی انجمن تاجران شیخ بابر کھرانہ نے کہا کہ وفاقی بجٹ الفاظ کا گورکھ دھندہ ہے ،اکنامکس کے جادوگر اسی طرح پچھلے 75سال سے پیش کرتے چلے آرہے ہیں اسی طرح کا یہ ایک بجٹ ہے ۔جہاںپر تاجروں پر ٹیکس عائد کئے گئے ہیں جو ون پرسنٹ ہوتا تھا اسے ڈھائی پر سنٹ کردیا گیا ہے نان فائلر ز کے گرد شکنجہ مزید ٹائٹ کردیا گیا ہے، بجٹ میں ٹیکسوں کی بہت زیادہ بھرمار کردی گئی ہے فائلر پر پراپرٹی کی خریدو فروخت پر3پرسنٹ اور نان فائلر پر 12پرسنٹ ٹیکس عائد کردیا گیا ہے۔اسی طرح مختلف شعبہ جات ہیں جہاں فائلر اور نان فائلرکی تمیز ختم کردی ہے نان فائلر کی حوصلہ شکنی کے ساتھ ساتھ فائلر کی حوصلہ افزائی کرنے کی بجائے فائلر کو بھی تن کے رکھ دیا ہے۔یہ آئی ایم ایف فرینڈلی بجٹ ہے۔قومی اسمبلی میں جو اراکین اسمبلی بیٹھے ہیں جن کو ہم اپوزیشن یا پارلیمانی پارٹی کہتے ہیں ان کو بھی بجٹ کی الف بے کا نہیں پتہ بجٹ کیا ہے بس انہوں نے تالیاں بجانی ہیں بجٹ بہت اچھا پیش ہوا ہے جنہوں نے بجٹ پیش کرنا ہے اور دوسری طرف سے بھی ہو ہا کرکے کہا جانا ہے بجٹ گندہ پیش ہوا ہے۔ ہم نے جن لوگوں کو اسمبلی میں ووٹ دیکر بھیجا ہے ان کو اتنا فہم ہونا چاہیئے کہ ہم سے ووٹ لیکر گئے ہیں وہ ہمارے لئے کیا کررہے ہیں وہاںپر ،سوائے اپنی پارٹی کے یا پریذیڈنٹ کے اس کی خوشنودی حاصل کرنے کے لئے اس کے علاوہ کچھ بھی نہیں، انتہائی معزرت کے ساتھ ان لوگوں نے بھونڈا مذاق بنایا ہوا ہے۔پوری قوم کو یکم جولائی کے بعد ایک مہنگائی کے سونامی کاسامنا کرنا پڑے گا۔اور وہ مہنگائی ہر شعبہ میں آئے گی ہرپاکستانی فرد اس سے متاثر ہوگا ۔مائیکرو اکنامکس ہے ہم لوگ مائیکرواکنامکس میں ہیں اس بجٹ کو وہ اکنامکس جادوگر ہی ڈریکشن پر چلائیں گے۔ یکم جولائی کے بعدنیا فناسنگ کا سال شروع ہوجائے گا تو ہم مہنگائی میں چلے جائیں گے۔ اس بجٹ کے بعد ڈالر کا ریٹ بڑ جائے گا،پٹرول مہنگا ہوجائے گا ہر چیز مہنگی ہوجائے گی۔ دکھ کی بات ہے اس بجٹ میں جنرل پبلک اور تاجروں کے لئے کوئی خوشخبری نہیں ہے۔ صدر کلاتھ مارکیٹ بورڈ شیخ افضل جج نے کہا کہ بجٹ تاجر دوست نہیں مہنگائی کا طوفان آئے گا۔ مرکزی انجمن تاجران گوجرانوالہ کے جنرل سیکرٹری میاں ثاقب غفوزنے بجٹ کو آئی ایم ایف کی ڈکٹیشن قرار دیا۔کلاتھ مارکیٹ بورڈ کے جنرل سیکرٹری شیخ جواد اسحاق اور چیئرمین سپریم کونسل موبائل ایسوسی ایشن ملک سلیم و دیگر نے ملے جلے ردعمل کا اظہار کرتے ہوئے کہا کہ اگر چہ اس بجٹ کے مثبت ہلو بھی ہیں لیکن اس کے ساتھ ساتھ بہت سے چینلجز بھی ہیں۔بظاہر یہ مشکل بجٹ ہے جو معشیت کے لئے بہت کم فائدہ مند ہوگا ۔انہوں نے بجٹ بارے تشویش ظاہر کی کہ ٹیکس کی حد سے زیادہ شرح ممکنہ فوائد کو ختم کردے گی ۔