اسلام آبا(پریس ریلیز)د پولیس کا عید الضحیٰ کے موقع پر خصوصی ٹریفک پلان تشکیل.عید کے موقع پر 600سے زائد ٹریفک پولیس افسران اپنی ڈیوٹی سر انجام دیں گے،زیادہ رش والے مقامات پر ڈائیورشن پوائنٹس لگانے کا فیصلہ،تمام بڑے تجارتی مراکز،تفریحی مقامات اور مساجد و امام بارگاہوں کے باہر اضافی ڈیوٹی لگائی جائے گی۔چیف ٹریفک آفیسر اسلام آباد محمد سرفراز ورک.تفصیلات کے مطابق انسپکٹر جنرل آف پولیس اسلام آبا د سید علی ناصر رضوی کے خصوصی احکامات کی روشنی میں اسلا م آباد ٹریفک پولیس نے عید الضحیٰ کے موقع پر خصوصی ٹریفک پلان تشکیل دیا ہے.اس سلسلہ میں چیف ٹریفک آفیسر اسلام آباد محمد سرفراز ورک کی صدارت ٹریفک پولیس ہیڈکوارٹرز میں خصوصی اجلاس کا انعقاد کیا گیا،اجلاس میں ایس پی ٹریفک سمیت تمام زونل ڈی ایس پیز اور بیٹ انسپکٹرز نے شرکت کی،اجلاس میں چاند رات کے موقع پر اسلام آباد پولیس کی طرف سے شہریوں کو زیادہ سے زیادہ سفری سہولیات فراہم کرنے اور شہر میں مربوط ٹریفک نظام قائم رکھنے کیلئے خصوصی اقدامات کا جائزہ لیاگیا،اسلام آباد کے تمام بڑے شاپنگ سینٹرز،مساجد،امام بارگاہوں،قبرستان اور تفریحی مقامات پرمعمول کی ڈیوٹی کے علاوہ 600سے زائد افسران و جوانوں کی اضافی نفری تعینات کرنے کے ساتھ زیادہ رش والی شاہراہوں پر شہریوں کی سہولت کیلئے ڈائیورشن پوائنٹس دینے کا فیصلہ کیا گیا،اس کے علاوہ اسلام آباد ٹریفک پولیس کے اسپیشل اسکواڈ اسلام آباد کی شاہراہوں،چوکوں اور اڈوں پر تعینات کئے گئے ہیں جو کہ اوور چارجنگ کرنے والی پبلک ٹرانسپورٹ سروس گاڑیوں کے خلاف بھی کاروائی عمل میں لا رہے ہیں.سی ٹی او اسلام آبادمحمد سر فراز ورک نے شہریوں سے اپیل کی ہے کہ اپنی گاڑیاں،موٹر سائیکل مقررہ پارکنگ ایریا میں پار ک کریں اور اسلام آباد پولیس کے افسران کے ساتھ تعاون کریں تاکہ شہر میں ٹریفک کی روانی کو یقینی بنایا جا سکے.شہری اپنی شکایات “پکار “15- اور051-9261992/93پربھی درج کرا سکتے ہیں.اس کے علاوہ اسلام آباد ٹریفک پولیس ریڈیو ایف ایم 92.4بھی شہریوں کو لمحہ بہ لمحہ ٹریفک کی صورت حال سے باخبر رکھے گا۔