گوجرانوالہ(بیورو رپورٹ)سابق وزیر اعلیٰ پنجاب مرکزی صدر تحریک انصاف پاکستان چودھری پرویز الہی نے کہا ہے کہ ظلم اور بربریت کا دور ہمیشہ نہیں رہے گا۔ 27جون کو حق اور سچ کی فتح ہوگی ہمیں عدالتوں پر یقین ہے عدالتیں انشاء اللہ انصاف کریں گی ۔ الیکشن والے دن تاریخ ساز دھاندلی کرنے والے شکست سے دوچار ہونگے ، اور انشا ء اللہ ہم کامیاب ہوکر دوبار ہعوام کی خدمت کریں گے انہوں نے کہا کہ ہماری حکومت کے پنجاب بھر بڑے ترقیاتی فلاحی منصوبے بند کردیئے گے ہیں اور مکمل شدہ منصوبوں پر اپنی تختیاں لگا لی ہیں ،لیکن یہ ظلم اور بربریت کا دور ہمیشہ نہیں رہے گا۔۔ ان خیالات کا اظہار انہوں نے کنجاہ ہائوس میں سٹی صدر علماء مشائخ ونگ صاحبزادہ طاہر رضا رضوی سے ملاقات کے موقع پر کیا۔اس موقع پر چوہدری راسخ الہی، چیئرمین یوسی 39گوجرانوالہ چوہدری سجاد حیدر اور بائو احسن مہربھی موجود تھے۔صاحبزادہ طاہر رضا رضوی نے اپنے خیالات کا اظہار کرتے ہوئے کہا کہپرویز الہی نے سیاست میں صحیح راستے کا انتخاب کرتے ہوئے اتنی عزت کمائی،بے شک عوام کے دلوں پر حقیقی لیڈر ہی راج کرتا ہے ۔سلام ہے پرویز الہی کی ہمت کو جو حق و سچ کیساتھ میدان ڈٹے رہے اور ظالم مافیا کے اگے نہیں جھکے۔ پاکستانی سیاست کا وجود ہمارے قائد چودھری پرویزالہی کے بغیر ادھورا ہے انشااللہ محسن پنجاب محسن ، عوام ہمارے محبوب قائد چودھری پرویزالہی جلد منصب اعلی پر فائز ہوں گے۔ اور پنجاب کی دکھی انسانیت کی خدمت کا سفر دوبارہ سے شروع کریں گے۔اور 27 جون کو پی پی 32 کا فیصلہ حق اور سچ کی فتح ہوگی۔یاد رہے کہ چودھری پرویز الہی کی پی پی 32 گجرات سے مخالف امیدوار سالک حسین کی کامیابی کے خلاف درخواست سماعت کے لیے مقرر ہے ۔جسٹس شاہد کریم 27 جون کو پرویز الہی کی درخواست پر سماعت کرینگے ۔عدالت نے فریقین سے جواب طلب کررکھا ہے۔