گوجرانوالہ( بیورو رپورٹ)جماعت اہل سنت پاکستان و جماعت رضائے مصطفی پاکستان کے وفد نے حافظ محمد رفیق قادری ناظم اعلی جماعت، ملک ظفر حسین، مولانا محمد اکبر نقشبندی، صاحبزادہ محمد ضیا المرتضی چشتی، رانا محمد زاہد اقبال ، حافظ محمد گلفام انور رضوی مرزا محمد ظفر اقبال بیگ نے ڈپٹی کمشنر محمد طارق قریشی سے ملاقات کی عید الضحی کے موقع پر انتظامیہ کی جانب سے بہترین انتظام وانتصرام کرنے پر مبارکباد پیش کی امسال پہلے سالوں سے زیادہ صفائی ستھرائی عرق گلاب کا چھڑکائو مساجد وعید گاہ کے باہر سیکیورٹی کے انتظام دیکھنے میں آئے جس کا کریڈٹ ضلعی انتظامیہ بالخصوص ڈپٹی کمشنر ڈپٹی کمشنر محمد طارق قریشی کو جاتا ہے۔ اس موقعہ پر ناظم جماعت حافظ محمد رفیق قادری نے جانشین نباض قوم علامہ صاحبزادہ پیر محمد دائود رضوی کی جانب سے مبارکباد پیش کرتے ہوئے پھولوں کا گلدستہ اور کنزالایمان فی ترجمتہ القرآن کا نسخہ پیش اور وفد نے ولی کامل مفتی پیر ابودائود محمد صادق رحمتہ اللہ علیہ کے ہونے والے دارالسلام آستانہ عالیہ قادریہ رضویہ زینت المساجد میں ہونے والے عرس مبارک میں شرکت کی دعوت بھی پیش کی ۔آخر میں ڈپٹی کمشنر ڈپٹی کمشنر محمد طارق قریشی نے وفد کا شکریہ ادا کیا۔اور کہا کہ گوجرانوالہ میں امن و امان اور شہر خوبصورت بنانا اور صفائی ستھرائی کا خیال رکھنا ہمارا اہم فریضہ ہے ۔اس مرتبہ گوجرانوالہ کے تمام اداروں کے افسران اور ذمہ داران نے اپنی اہم ذمہ داری کا ثبوت دیا ۔انہوں نے کہا کہ پاکستان ہر شہری کا ہے سب کو مل کر ملک و قوم کی خدمت میں کوشش کرنا ہوگی۔عوام کے تعاون سے شہر کو مزید خوبصورت بنائیں گے۔دن رات عوامی خدمت ہمارا مشن ہے ۔