اسلام آباد(بیورو رپورٹ)چیئرمین پاکستان پیپلز پارٹی بلاول بھٹو زرداری نے اسلام آباد میں پارٹی کی تنظیم کو فعال کرنے پر زور دیا اور پارٹی کی از سر نو تنظیم سازی کا ٹاسک انچارج سینٹرل سیکرٹریٹ سیدسبط الحیدر بخاری کو سونپ دیا۔سیدسبط الحیدربخاری، انچارج پیپلزپارٹی سینٹرل سیکریٹریٹ کی چیئرمین پاکستان پیپلز پارٹی بلاول بھٹو زرداری سے انکے چیمبر میں اہم ملاقات ہوئی ۔ چیئرمین بلاول بھٹو زرداری سے ملاقات میں آئندہ ہونے والے بلدیاتی انتخابات کے حوالے سے تفصیلی تبادلہ خیال کیا گیا انچارج سینٹرل سیکرٹریٹ سید سبط الحیدر بخاری نے اسلام آباد میں پارٹی کی تنظیم سازی کے حوالے سے بریفنگ دی۔ چیئرمین بلاول بھٹو زرداری نے اسلام آباد میں پارٹی کی تنظیم کو فعال کرنے پر زور دیا اور پارٹی کی از سر نو تنظیم سازی کا ٹاسک سیدسبط الحیدر بخاری کو سونپ دیا۔ ملاقات میں پارٹی پالیسی کے حوالے سے مختلف امور کو زیر بحث لایا گیا۔