راولپنڈی(بیورو رپورٹ)ریجنل پولیس آفیسر راولپنڈی ریجن بابر سرفراز الپا سے پاکستان فیڈرل یونین آف جرنلسٹس کے صدر افضل بٹ کی قیادت میں صحافیوں کے وفد کی ملاقات، ملاقات کے دوران سی پی او راولپنڈی سید خالد محمود ہمدانی بھی موجو د تھے۔ وفد نے راولپنڈی ریجن میں کرائم کی مجموعی صورتحال،صحافیوں کو درپیش چیلنجز اور اسکے تدارک کے لیے مشترکہ کاوشوں پر تبادلہ خیال کیا۔ کسی بھی معاشرے میں صحافیوں کی اہمیت کو نظرانداز نہیں کیاجاسکتا،صحافیوں کو درپیش مسائل کے تدارک کے لیے ہر ممکن اقدامات، مشترکہ حکمت عملی اور باہمی تعاون کو بروئے کار لایا جائے گا، آر پی او بابر سرفراز الپا.
تفصیلا ت کے مطابق ریجنل پولیس آفیسر راولپنڈ ی ریجن سے پاکستان فیڈرل یونین آف جرنلسٹس کے صدر افضل بٹ کی قیادت میں صحافیوں کے وفد نے ملاقات کی، ملاقات کے دوران سی پی ا و راولپنڈی سید خالد محمود ہمدانی بھی موجود تھے، وفد میں سیکرٹری راولپنڈی اسلام آباد یونین آف جرنلسٹ آصف بشیر چوہدری، نیئر علی سیکرٹر ی نیشنل پریس کلب اسلام آباد، بابر ملک نمائندہ اے آر وائے نیوز اور شبیر ڈار نمائندہ جیو نیوز شامل تھے۔ وفد نے راولپنڈی ریجن میں جرائم کی مجموعی صورتحال اور اس پر ہونے والی پیشرفت کے حوالے سے تبادلہ خیال کیا جبکہ صحافی برادری کودرپیش مسائل اور انکے تدارک کے لیے تجاویز اور مشترکہ کاوشوں کو زیر بحث لایا گیا، آر پی او بابر سرفراز الپا نے وفد سے گفتگو کرتے ہوئے کہا کہ راولپنڈی ریجن پولیس اپنی تمام تر پیشہ وارانہ صلاحیتوں کو بروئے کار لاتے ہوئے جرائم پیشہ عناصر کیخلاف روزانہ کی بنیاد پر نہ صر ف قانونی کارروائی عمل میں لارہی ہے بلکہ موثر تفتیش اور پیروی سے جرائم پیشہ عناصر کو معزز عدالتوں سے قرار واقعی سزائیں بھی دلوائی جارہی ہیں، صحافی کسی بھی معاشرے کی آنکھ، کان اور ناک کی حیثیت رکھتے ہیں جو مثبت اور تعمیری سوچ کے ذریعے معاشرے میں اصلاح کا باعث بنتے ہیں، راولپنڈی ریجن پولیس صحافیوں کو درپیش مسائل کے لیے ہر ممکن اقدامات کو یقینی بنائے گی اور اس سلسلے میں مشترکہ حکمت عملی اور باہمی تعاون کو بروئے کار لایا جائے گا۔