اسلام آباد(آئی ایم ایم)این ڈی ایم اے نے الرٹ جاری کیا ہے کہ گلاف کے باعث بدسوات نالہ میں طغیانی کا خطرہ ہے.طغیانی کے باعث مقامی سڑکیں اور عارضی پل متاثر ہو سکتے ہیں۔ گلگت بلتستان ڈی ایم اے کو ہدایت کی گئی ہے کہ صورتحال کا ہمہ وقت جائزہ جاری رکھیں۔
خطرے سے دو چار علاقوں کی نشاندہی کرتے ہوئے مقامی آبادی سے لوگوں کا انخلاء اور محفوظ مقامات پر منتقلی یقینی بنائیں.این ڈی ایم اے نے عوام تک معلومات اور الرٹس کی بر وقت رسائی کو یقینی بنانے کے لیےPak NDMA Disaster Alertایپلیکیشن متعارف کرادی ہے۔ این ڈی ایم اے کی موبائل ایپ عوام کو ایڈوائزریز اور خطرے سے متعلق مخصوص گائیڈ لائنز، عوامی آگاہی کے پیغامات اوردیگر ضروری معلومات تک بروقت رسائی کے لیے تیار کیا گیا ہے۔