گوجرانوالہ(آئی ایم ایم)ایم ڈی واسا کاشان حفیظ بٹ کا واسا کی جانب سے لگائے گئے مون سون ایمرجنسی کیمپس اور مون سون کے حوالہ سے کئے گئے اقدامات کے جائزہ کے لئے مختلف کیمپس کا دورہ۔اس موقع پرڈئریکٹر ایڈمن مقصود انجم رانا اور ڈپٹی ڈائریکٹر خرم نبیل بٹ بھی ہمراہ تھے۔مختلف علاقوں کے ڈپٹی ڈائریکٹرز نے ایم ڈی واسا کو مون سون کے اقدامات کے متعلق تفصیلی بریفنگ پیش کی ایم ڈی واسا کاشان حفیظ بٹ نے انتظامات کو تسلی بخش قرار دیتے ہوئے آئندہ ہونے والی ممکنہ بارشوں کے پیش نظر عملہ کو ہائی الرٹ رہنے کا حکم دیا اور ہدایت کی کہ کسی بھی ہنگامی صورتحال سے نمٹنے کیلئے عملہ اور مشینری مون سون میں ہر وقت تیار رہیں ۔ ایمرجنسی کیمپس میں گٹروں کے ڈھکن بھی رکھے گئے تھے تاکہ جہاں سے بھی ڈھکن نہ ہونے کی کمپلین آئے فوری اسے کور کیا جاسکے تاکہ کوئی ناخوشگوار واقعہ پیش نہ آئے ۔ دریں اثنا واسا ترجمان کے مطابق علی الصبح ہونے والی بارش کے پانی کو کلئیر کر دیا گیا ،جبکہایم ڈی واسا گوجرانوالہ کاشان حفیظ بٹ کی ہدائت پر واسا عملہ فیلڈ میں موجود ہے۔