گوجرانوالہ( آئی ایم ایم)صدر مر کزی انجمن تاجران گوجرانوالہ شیخ بابر کھرانہ ، جنرل سیکرٹری میاں ثاقب غفور، صدر کلاتھ مارکیٹ بورڈ شیخ افضل جج اور جنرل سیکرٹری شیخ جواد اسحاق نے کہا ہے کہ بجلی کی بڑھتی ہوئی قیمت زائد ٹیکسز اور اوپر سے گیپکوگوجرانوا لہ نے ریکوری اور لائن لاسز پورا کرنے کے لئے اوور بلنگ کرکے عوام کی کمر توڑ کر رکھ دی، تمام صارفین بجلی کو ناکوں چنے چبوادیئے ہیں۔ ریٹ بہت زیادہ بڑھ جانے سے لوگوں کا جینا دوبھر کردیا ہے ،۔اگر فوری طور پر ریلیف نہ ملا تو احتجاجی تحریک کی کال دے دی جائے گی۔ انہوں نے کہا کہ گیپکو کی غنڈہ گردی کی سنگین مثال یہ ہے کہ 51ہزار کیس سامنے آئے ہیں جن کی اوور بلنگ کردی گئی ہے ،وہ کیس علیحدہ ہیں جو سامنے نہیں آسکے جنہوں نے بل جمع کروادیئے ہیں یا جن کے ساتھ زیادتی ہوئی ہے ۔
مطالبہ ہے کہ ہائیر اتھارٹی ایف آئی اے،آئی بی و دیگر بڑے ادارے انو یسٹی گیٹ کریں ،اے جی آفس جو آڈٹ کرتا ہے ان کا وہ آڈٹ یہ مینج کرلیتے ہیں اس لئے یہ لو گوں کے ساتھ سخت زیادتی کررہے ہیں۔عام مارکیٹوں میں بجلی نہیں ہے لیکن بجلی کے بل بہت زیادہ آگئے ہیں کہ لوگوں کے کاروبار چوپٹ ہوگئے ہیں،لوگ اپنی راسیں ختم کرچکے ہیں لوگ جو تجارت کررہے ہیں وہ ٹوٹل کریڈٹ بیس پر ہورہی ہے کاروباری لوگ ، کمپنیاں ان کو مال بھیج دیتی ہیں بیچنے کے لئے یہ سیل کرکے اپنا پرافٹ رکھ کے کمپنیوں کا پیسہ واپس کردیتے ہیں اب یہ ان کا پرافٹ بھی نہیں مل رہا پرافٹ بھی کم ہے اس پرافٹ سے بل بجلی ادا ہوجائیں تو یہ لوگ کچھ کرایہ دار ہیں کچھ کی اپنی دوکانیں ہیں کرائے کی دوکانوں والے تو بالکل ہی رل گئے ہیں وہ کہاں سے اتنے پیسے لائیں اس گورنمنٹ کا پیٹ بھرنے کے لئے ۔گورنمنٹ نے ڈائریکٹ لوگوں کی جیبوں میں ہاتھ ڈال دیا ہے چاہے وہ واپڈا کے ذریعے ہو چاہئے وہ سوئی گیس کے ذریعے ہو ،چاہے وہ ٹیکسز کے ذریعے ہو گورنمنٹ نے ڈائریکٹ لوگوں کی جیبوں میں ہاتھ ڈال دیا ہے،اب عوام بالکل مجبور ہو چکی ہے اور عوا م کو انہوں نے بند گلی میں دھکیل دیا ہے .
انہوں نے کہا ہے کہ جو لوگ حکومت میں آئے ہیں اللہ تعالیٰ ان کو ہدایت دے وہ عوام پر ظلم نہ کریں واپڈا لوگوں پر ظلم نہ کرے ٹیکس در ٹیکس لگانیں بند کئے جائیں ،تاجروں کا کہنا ہے کہ بجلی کے نظام کو درست کیا جائے تاکہ صارفین بجلی صرف استعمال شدہ بجلی کا بل ادا کرسکیں نہ کہ چوری شدہ ،اشرافیہ کو مفت دی گئی بجلی کا بل ادا کریں، ۔ اگربجلی کے نظام کو درست نہ کیا گیا تو وزیر اعظم پاکستان اس وقت سے بچیں کہ عوام ا پپنے فیصلے آپ کرنے شروع نہ کردیں۔ ان کا مزید کہنا تھا کہ تاجر رہنمائوں کا آج جنرل اجلاس بلایا گیا ہے جس میں بھرپور احتجاج کے حوالے سے فیصلہ کیا جائے گا ۔