گوجرانوالہ(آئی ایم ایم)آستانہ عالیہ حضرت کیلیانوالہ شریف کے پیرسید علی سجادحیدر شاہ بخاری اور پیرسید فدا حسین شاہ حافظ آبادی نے کہا ہے کہ واقعہ کربلا سے باطل کو للکارنے اور ظلم سے ٹکرانے کا حوصلہ ملتا ہے،نواسہ رسول کا لازوال کردار تاریخ اسلام کے ماتھے کا جھومر ہے،والدین کی دعائیں آزمائشوں اور مشکلات میں سہارا ہوتی ہیں۔ان خیالات کا اظہار انہوں نے فقیرانوالی خورد میں حاجی محمد صدیق تارڑ مرحوم کے سالانہ ختم کے موقع پر منعقدہ شہدا کربلا کانفرنس سے خطاب کرتے ہوئے کیا۔
اس موقع پر ڈاکٹر خادم حسین خورشید،الحاج سرفراز احمد تارڑ،الحاج مولانا محمد اکبر نقشبندی،عمران شہزاد تارڑ ڈائریکٹر گوجرانوالہ ویسٹ مینجمنٹ کمپنی،غلام فرید چشتی،صاحبزادہ محمد نعمان صدیقی،ارتکاز احمد تارڑ،قاری خادم بلال مجددی،شہریار تارڑ،وسیم احمد،عرفان تارڑ،قاری سعید احمد ارشد،یاسر محمود مدنی،خالد محمود تارڑ،محمد ارشد تارڑ،حسنین تارڑ اور دیگر نے خطاب کیا۔انہوں نے کہا کہ اعمال کی قبولیت کا دارومدار ایمان،اخلاص اور حسن نیت پر ہے ریا کاری سے انسان کا نیک عمل بھی ضائع ہو جاتا ہے دنیا ناپائیدار فانی ہے ہر انسان کو آخرت کی تیاری کرنی چاہیے۔