اسلام آباد (بیورو رپورٹ)سید قمر رضا، چیئرمین بورڈ آف گورنرز اوورسیز پاکستانی فاؤنڈیشن (OPF) نے وزارت خارجہ میں جناب اسحاق ڈار، نائب وزیراعظم سے ملاقات کی تاکہ اوورسیز پاکستانیوں سے متعلق مسائل کے حل کے لئے ان کی رہنمائی حاصل کی جا سکے۔ سید قمر رضا، چیئرمین BOG نے انہیں وزیر اعظم کے وژن کے مطابق اوورسیز پاکستانیوں کے مسائل کے حل کو اولین ترجیح دینے کے اپنے عزم کے بارے میں آگاہ کیا۔

نائب وزیر اعظم نے سید قمر رضا کی ثابت قدمی کی تعریف کرتے ہوئے کہا کہ حکومت اوورسیز پاکستانیوں کو ترجیح دے رہی ہے اور ان کے مسائل کو اولین ترجیح پر حل کرنے کا عزم رکھتی ہے۔ انہوں نے قومی معیشت کو مضبوط بنانے میں اوورسیز پاکستانیوں کے اہم کردار کو بھی سراہا۔نائب وزیر اعظم نے سید قمر رضا کو اوورسیز پاکستانیوں کے مسائل کے حل میں ان کی اور وزارت خارجہ کی بھرپور حمایت اور تعاون کا یقین دلایا۔سید قمر رضا، چیئرمین BOG OPF نے معزز نائب وزیر اعظم کا ان کے مہربان انداز اور حمایت پر شکریہ ادا کیا۔