گوجرانوالہ( بیورو رپورٹ)پی ٹی آئی ملک میں حقیقی آزادی، آئین اور قانون کی بالادستی کے لیے جدوجہد جاری رکھے گی ۔ عمران خان کی رہائی کے بغیر ملکی ترقی ناممکن ہے، عمران خان کو اقتدار میں لاکر ملک کو ترقی کی راہ پر گامزن کرنا ہے، فارم 47حکومت نے ملک کو دیوالیہ کیا ہے۔ ن لیگ والے جعلی مینڈیٹ سے اقتدار پر قابض ہوکر ملک کا بیڑا غرق کر گئے، انہوںنے ہمیشہ ملک کو بحرانوں میں دھکیلا ہے، معیشت کو تباہ کرکے ملک آئی ایم ایف کے رحم کرم پر چھوڑا ہے۔ان خیالات کا اظہار پی ٹی آئی کی راہنما سابق ایم پی اے صدر وومن ونگ ، ضلع گوجرانوالہ نیئر مرتضیٰ لون نے اپنی ٹیم کے ہمراہ صوابی جلسہ میں شرکت کے موقع پر کیا ۔

انہوں نے کہا کہ صوابی کا جلسہ فارم 47حکومت کے خلاف اہم سنگ میل ثابت ہوگا۔ نیئر مرتضیٰ لون نے مزید کہا کہ ، بجلی کے بے تحاشہ بلوں کی وجہ سے عوام خودکشیاں کررہے ہیں،۔مینڈیٹ چور سرکار کے پاس دہشتگردی کی روک تھام کے لیے کوئی پلان نہیں،ملک کو بحرانوں سے نکالنا ن لیگ کی بس کی بات نہیں، مینڈیٹ چوروں سے چھٹکارا حاصل کرنے کے لیے الیکشن واحد حل ہے۔