اسلام آباد(آئی ایم ایم) پاکستان پیپلزپارٹی کے چیئرمین بلاول بھٹو زرداری کی سربراہی میں پی پی پی پنجاب کے رہنماؤں کا زرداری ہاؤس میں اجلاس ہوا جسمیں چیئرمین بلاول بھٹو زرداری کو پی پی پی پنجاب کے رہنماؤں نے صوبے کی سیاسی صورت حال پر بریفنگ دی،چیئرمین بلاول بھٹو زرداری کو پی پی پی پنجاب کے رہنماؤں نے پنجاب حکومت کی کارکردگی کے حوالے سے بھی اپنی رائے دی،چیئرمین بلاول بھٹو زرداری اور پی پی پی پنجاب کے رہنماؤں کے درمیان تنظیمی صورت حال پر بھی تفصیلی طور پر تبادلہ خیال کیا گیا،اجلاس میں پی پی پی پنجاب کے صدر راجہ پرویز اشرف، جنرل سیکریٹری حسن مرتضی، سیکریٹری اطلاعات شہزاد سعید چیمہ، رانا فاروق سعید، امتیاز صفدر وڑائچ اور چوہدری منظور،مہر غلام فرید کاٹھیا، ندیم اصغر کائرہ، میاں اظہر حسین ڈار، اعجاز احمد سماں، ملک طاہر اختر، تسنیم قریشی اور سید عنایت علی شاہ، رائے شاہجہاں بھٹی، ثمینہ خالد گھرکی،خواتین ارکان پنجاب اسمبلی نیلم جبار چوہدری، نرگس فیض ملک و دیگر بھی شریک تھے۔