اسلام آباد(آئی ایم ایم) وزیراعظم پاکستان کا وژن ،ملک کی نوجوان نسل کو اقتصادی ترقی کے لیے تیار کرنا ہے۔نیشنل ووکیشنل اینڈ ٹیکنیکل ٹریننگ کمیشن (نیوٹیک) اور نیشنل یونیورسٹی آف سائنسز اینڈ ٹیکنالوجی (نسٹ) نے آج نیو ٹیک ہییڈ کوارٹرز اسلام آبادمیں ایک مفاہمتی یادداشت پر دستخط کیے ہیں۔ یہ یادداشت چپ ڈیزائننگ اور مینوفیکچرنگ میں خصوصی تربیت فراہم کرنے کا مقصد رکھتی ہے۔ یہ تربیتی پروگرام پانچ پانچ ماہ کے دو دورانیوں میں چلایا جائے گا اور اس کا مقصد نوجوانوں کو جدید تکنیکی مہارتیں فراہم کرنا ہے جن کی مقامی اور عالمی سطح پر طلب بڑھ رہی ہے۔
دستخط کی تقریب میں وفاقی وزیر برائے تعلیم خالد مقبول صدیقی نے شرکت کی اور پاکستان کی نوجوان نسل کی صلاحیتوں کو اجاگر کرنے میں تکنیکی تربیت کی اہمیت پر زور دیا۔ انہوں نے کہا۔ “سائنسدانوں کا کہنا ہے کہ اگلی دو سے تین دہائیوں میں دنیا ایک بنیادی تکنیکی تبدیلی سے گزرے گی۔ ہماری ذمہ داری ہے کہ ہم اپنی نوجوان نسل کو ایسے ہنر فراہم کریں جو مستقبل میں سب سے زیادہ اہم ہوں۔ وفاقی سیکرٹری، محی الدین وانی، نے بھی تقریب میں شرکت کی اور نیوٹیک اور نسٹ کو اس پروگرام کا آغاز کرنے پر سراہا۔ انہوں نے کہا۔”ہم اس پروگرام کی کامیاب تکمیل اور پاکستان بھر میں اس کے ممکنہ توسیع کا انتظار کر رہے ہیں”.
نیوٹیک کے ایگزیکٹو ڈائریکٹر، عامر جان، نے اپنے استقبالیہ خطاب میں نیوٹیک کے تکنیکی ترقی میں پیش پیش رہنے کی عزم کا اظہار کیا۔ انہوں نے کہا کہ نیوٹیک تیزی سے بدلتی ہوئی ٹیکنالوجیز کے مطابق عالمی اور مقامی سطح پر مطلوبہ تجارت میں اپنے ورک فورس کی تربیت کی اہمیت کو سمجھتا ہے۔نسٹ کے ریکٹر، انجینئر جاوید محمود بخاری، نے اس تعاون کی اہمیت پر روشنی ڈالی اور کہا کہ یہ پروگرام پاکستان کے دو مضبوط اداروں کی قوتوں کو یکجا کرتا ہے، اور جدید تکنیکی مہارتوں کی عالمی طلب کے مطابق منتقلی میں ایک اہم سنگ میل ہے۔ یہ شراکت داری پاکستان کے روشن مستقبل کا ثبوت ہے۔
دستخط کی تقریب کے بعد، ایگزیکٹو ڈائریکٹر نے وفاقی وزیر برائے تعلیم و پیشہ ورانہ تربیت کو نیوٹیک کے مختلف پروگراموں اور اقدامات پر ایک تفصیلی پریزنٹیشن دی۔ وفاقی وزیر نے نیوٹیک کی کوششوں اور قیادت کی تعریف کی اور پاکستان کے روشن مستقبل کو نیو ٹیک سے جوڑتے ہوۓ نیک خواہشات کا اظہار کیا۔۔۔
