اسلام آباد(آئی ایم ایم) زونل رؤیت ہلال کمیٹی اسلام آبادکا اجلاس 4ستمبر 2024ء بروز بدھ بمقام وزارت مذہبی اْمور و بین المذاہب ہم آہنگی پاکستان کوہسار کمپلیکس پاک سیکرٹریٹ اسلام آباد میں مولانا سید محمد عبد الخبیر آزاد چیئر مین مرکزی رؤیت ہلال کمیٹی پاکستان کی زیر صدارت منعقد ہو گا، اجلاس میں رابطہ کے فرائض ڈائریکٹر جنرل وزارت مذہبی امور سید مشاہد حسین خالد جبکہ فنی معاونت کیلئے وزارتِ سائنس اینڈ ٹیکنالوجی سے زین العا بدین، محکمہ موسمیات سے چیف میٹ ڈاکٹر سردار سرفراز اور محکمہ سپارکو سے غلام مرتضیٰ ٹیلی فون کے ذریعے اپنی خدمات سرانجام دیں گے۔مرکزی و زونل رؤیت ہلال کمیٹی اسلام آباد کے ممبران میں مفتی ضمیر احمد ساجد، مفتی محمد اقبال نعیمی، مفتی عبدالسلام جلالی، مولانا ابو بکر صدیق، مولانا ہارون الرشید بالاکوٹی، علامہ سجاد حسین جوادی، پیر محمد ممتاز احمد ضیاء نظامی و دیگر علماء کرام شریک ہوں گے، پورے ملک میں زونل کمیٹیوں کے اجلاس ان کے متعلقہ ہیڈکوارٹرز لاہور، کراچی، کوئٹہ، پشاور میں منعقد کیے جائیں گے جس میں چیئرمین مرکزی رؤیت ہلال کمیٹی پاکستان مولانا سید محمد عبدالخبیر آزاد ماہ ربیع الاوّل۶۴۴۱ھ کے چاند کی رؤیت کا فیصلہ اور اعلان فرمائیں گے۔
زونل رؤیت ہلال کمیٹی اسلام آبادکا اجلاس 4ستمبر 2024ء بروز بدھ کو ہو گا
