گوجرانوالہ( آئی ایم ایم)پاکستان میں اگر کوئی شخص پورے پاکستان کو جوڑ کر رکھ سکتا ہے اور ملک کو ترقی کی راہ پر گامزن کر سکتا کے تو وہ عمران خان ہے، دہشت گردی کا خاتمہ ہو یا ملکی معیشت میں استحکام لانا ہو اس سب کے لیے عوامی حکومت کا قائم ہونا لازم ہے اور پورے پاکستان میں اگر کوئی مقبول لیڈر ہے تو وہ عمران خان ہے اور اگر پاکستان میں کوئی واحد وفاقی طرز کی جمہوری جماعت ہے تو وہ تحریک انصاف ہے۔ان خیالات کا اظہار پاکستان تحریک ا نصاف وومن ونگ کی ضلعی صدر نیئر مرتضی لون نے 8 ستمبر کو سنگجانی ٹول پلازہ اسلام آباد میں ہونے والے پی ٹی آئی کے جلسہ عام میں شرکت کے حوالے سے اپنی رہائش گاہ پر منعقدہ خواتین کی کی کارنر میٹنگ سے خطاب کرتے ہوئے کیا۔میٹنگ میں ایڈ یشنل جنرل سیکرٹری انور سلطانہ،جنرل سیکرٹری فردوس بشارت، انصر فیاض ،نادیہ عباد سمیت دیگر پارٹی عہدیداران سمیت علاقے کی خواتین نے کثیر تعداد میں شرکت کی۔ میٹنگ میں فیصلہ کیا گیا کہ 8 ستمبر کو اسلام آباد میں ہونے والے جلسہ میں خواتین بھرپور شرکت کریں گئیں۔

نیئر مرتضی لون نے کہا کہ کپتان عمران خان کا اڈیالہ جیل سے پیغام ہے کہ “ہمارے 8 ستمبر کے جلسے کے تین مقاصد ہیں۔ ایک مقصد چوری کیا ہوا مینڈیٹ پی ٹی آئی کو واپس کیا جائے، دوسرا مقصد قبضہ گروپ سے ملک کو حقیقی آزادی دلوانی ہے اورتیسرا مقصد ملک میں آزاد عدلیہ کا قیام ہے۔” اس لئے اب عوام کو نکلنا ہو گا! اور حقیقی و آزاد پاکستان کے سفر میں قیدی نمبر 804 کا ساتھ دینا ہوگا۔ انھوں نے عدلیہ اور حکومت سے عمران خان کی فی الفور رہائی کا مطالبہ بھی کیا ۔ انہوں نے کہا کہ پاکستانیوں تمہیں نکلنا ہو گا! اپنے حقوق کیلئے، اپنے بچوں کے مستقبل کیلئے،8 ستمبر کو اسلام آباد جلسے میں شرکت کر کے ملک میں جاری ظلم و فسطائیت کیخلاف آواز بلند کرنا ہو گا۔