گوجرانوالہ( آئی ایم ایم)پاکستان تحریک ا نصاف وومن ونگ کی ضلعی صدر سابق ایم پی اے نیئر مرتضی لون نے کہا ہے کہ 8ستمبر کو اسلام آباد میں ہونے والا پاکستان تحریک انصاف کا جلسہ پرامن اور تاریخی جلسہ ہوگا۔ پوری ریاستی مشینری مل کر بھی پی ٹی آئی کے کارکنوں کے حوصلے نہیں توڑ سکی حکومت پی ٹی آئی کے جلسہ سے اتنی خوف زدہ ہے جگہ جگہ کنٹینر کھڑے کردیئے ہیں ، اس کے باوجود کے پی، پنجاب، جی بی اور سندھ سے قافلے جلسے میں شرکت کیلئے نکل چکے ۔ حقیقی و آزاد پاکستان کے سفر میں قیدی نمبر 804 کا ساتھ دینا ہوگا۔ عمران خان کو فی الفور رہا کیا جائے ۔ پاکستانی عوام کو اپنے حقوق کیلئے، اپنے بچوں کے مستقبل کیلئے،8 ستمبر کو اسلام آباد جلسے میں شرکت کر کے ملک میں جاری ظلم و فسطائیت کیخلاف آواز بلند کرنا ہو گا۔

ان خیالات کا اظہار انہوں نے پاکستان تحریک انصاف کے 8ستمبر کو اسلام آباد میں ہونے والے جلسہ میں شرکت کے لئے روانگی کے موقع پر کیا ۔ ایڈ یشنل جنرل سیکرٹری انور سلطانہ،جنرل سیکرٹری فردوس بشارت، انصر فیاض ،نادیہ عباد سمیت دیگر پارٹی عہدیداران کارکنان بھی موجود تھیں۔