گوجرانوالہ( آئی ایم ایم)انجمن طلبا اسلام و مصطفائی تحریک جگنہ کے زیر اہتمام سیالکوٹ روڈ فتومنڈ سے سالانہ میلاد ریلی نکالی گئی جس کی قیادت چوہدری محمد اقبال ہنجرا ڈائریکٹر یوتھ مصطفائی تحریک پنجاب، محمد شاذب چٹھہ سابق ضلعی ناظم ATI ، پیر سید محمد مستجاب علی شاہ شیرازی، حافظ محمد رفیق قادری، صاحبزادہ عبدالحفیظ قادری ،ملک نصیر نقشبندی ، ملک منیب اعوان ، ابوبکر آصف بٹ ،محمد راشد مغل،داود مصطفی قادری، محمد ارسلان اکبر بٹ نے کی۔ اس موقع پر خطاب کرتے ہوئے مقررین نے کہا کہ حضور صلی اللہ علیہ وآلہ وسلم کی ذات سے عشق کا اظہار کرنے کے یہ بہترین لمحات ہیں۔ آقا صلی اللہ علیہ وآلہ وسلم کا میلاد ہر مسلمان کیلئے مسرت وشادمانی کا عظیم تحفہ لے کر آتا ہے، ربیع الاول رحمتوں اور برکتوں کا مہینہ ہے۔ ہر مسلمان کو محافل میلاد میں شرکت کر کے اپنے آقا ومولا حضرت محمد مصطفی صلی اللہ علیہ وآلہ وسلم سے محبت کا والہانہ اظہار کرنا چاہیے۔جماعت اہلسنت، دعوت اسلامی ،گریٹ پاکستان ویلفیر ایسوسی ایشن ،جماعت رضائے مصطفے ،پاکستان سنی تحریک، پاکستانی سنی فورس ودیگر تنظیمات کے قائدین صاحبزادہ احمد نورانی،صاحبزادہ نعمان صدیقی، محمد عدیل عارف مہر، چوہدری عمر سلیم گجر ، چوہدری عابد گورائیہ، محمد سلیم قادری،محمد آصف کیلانی،باو نوید انجم،ڈاکٹر اصغر باجوہ، قاری غلام سرور رضوی،قاری ذوالفقار نقشبندی رانا لیاقت،ڈاکٹر سجاد نے کہا کہ کائنات کا وجود آقا صلی اللہ علیہ وآلہ وسلم کے میلاد کا مرہون منت ہے۔

آج امت مسلمہ اپنی زندگی میں شامل ہر خرابی کو ختم کرنا چاہتی ہے تو حضور صلی اللہ علیہ وآلہ وسلم کی غلامی کا پٹہ اپنے گلے میں ڈال لے۔ فکر اسلامی کی بیداری کیلئے گھر گھر جشن عید میلاد النبی کی محافل کا انعقاد کریں ہمیشہ کی طرح آج علما مشائخ طلبا کا میلاد ریلی میں جوش و خروش دیکھ کر واضح ہوتا ہے کہ مسلمانوں کا مستقبل بھی ماضی کی طرح روشن ہے ۔موجودہ پر فتن دور میں میلاد مصطفی منانے والوں کی لیے ضروری ھے کہ وہ خود بھی پیغام مصطفے ۖ پر عمل کریں اور دوسروں تک بھی محبت رسول ۖ کے پیغام کو پہنچایں ۔تاکہ معاشرے میں پھیلی ھوئی بد عقیدگی کا خاتمہ ہوسکے ۔