گوجرانوالہ( آئی ایم ایم)اعلی حضرت کی تعلیمات و فرمودات ہمارے لیے مشعل راہ ہے- انجمن طلبا اسلام عشق رسول اور محبت اولیا اللہ کی امین ہے، انجمن طلبا اسلام معاشرے میں عشق رسول و محبت اولیا کے چراغ روشن کر رہی ہے۔ ان خیالات کا اظہار ممتاز مذہبی شخصیت پیر محمد عرفان شاہ مجددی نے انجمن طلبا اسلام ارسال کالونی کے زیر اہتمام پروفیسر صاحبزادہ حماد رضا، صاحبزادہ حسان رضا کی زیر نگرانی افکار رضا و میلاد خاتم النبیین کانفرنس سے خصوصی خطاب کرتے ہوئے کیا۔ جس کی سر پرستی جید عالم دین پیر مفتی اشرف رضوی نے کی ۔ پروگرام کی صدارت طیب علی مہر ناظم ارسال کالونی نے کی نے کی اس موقع پر پیر مفتی اشرف رضوی نے خطاب کرتے ہوئے کہا کہ نبی کریم صلی اللہ علیہ وسلم آخری نبی ہیں آپ کے بعد نبوت کا دروزہ بند ہو چکا ہے ، انجمن طلبا اسلام کے صوبائی ناظم برادر جواد خان لودھی نے کہا کہ غوث اعظم انجمن طلبا اسلام کے روحانی پیشوا ہیں، انجمن طلبا اسلام عشق رسول اور تعلیمات اولیا کے فروغ کے لیے سرگرم عمل ہے۔ صاحبزادہ حسان رضا قادری رکن انجمن و دیگر مقررین نے کہا کہ امام احمد رضا و تمام اولیا نے ہمیں عشق رسول عطا کیا ہے جو انجمن کا منشور ہے۔

اس موقع پر پیر علامہ عامر شہزاد رضوی، ابوبکر آصف بٹ تحصیل جنرل سیکرٹری ATI، داد مصطفی مہر سٹی ناظم ATI، طیب انصاری ناظم گھوڑے شاہ، صاحبزادہ عثمان صدیقی، ایڈوکیٹ علی نور مرزا، ایڈوکیٹ یوسف انصاری، مہر احمر،مہر ارقم، میاں الیاس مہر، ذیشان مغل، رانا علی احمد، انصب راجپوت، مرشد مہر ،رانا ارسلان و دیگر سیاسی و سماجی شخصیات نے خصوصی شرکت اور خطاب کیا۔ اس موقع پر کثیر تعداد میں انجمن طلبا اسلام کے کارکنان اور عوام الناس نے شرکت کی۔