گوجرانوالہ( آئی ایم ایم)جماعت اہل سنت راہوالی کے زیر اہتمام جشن عید میلاد النبی ۖ کے سلسلہ میں مشعل بردار ریلی نکالی گئی ، “سرکار کی آمد مرحبا” “سیدی مرشدی یا نبی یانبی” کی صدائوں سے راہوالی گونج اٹھا ، ریلی جہاں سے بھی گزری فضا درود وسلام سے معطر ہوتی گئی۔ ریلی کے شرکاء کا جگہ جگہ پھولوں کی پتیوں کے ساتھ استقبال کیا گیا۔۔ریلی کی قیادت بزرگ عالم دین مولانا خالد حسن مجددی ، جامعہ چشتیہ رضویہ ضیاء القرآن راہوالی کے مہتمم اعلیٰ پروفیسر حافظ شبیر حسین چشتی،قاری امین چشتی، حافظ عطاا لمصطفیٰ جمیل،صاحبزادہ ضیاء المرتضیٰ چشتی، حافظ محمد اشرف رضا قادری مولانا محمد اکبر نقشبندی، مشتاق احمد بادل مبین احمد خان،عدیل عارف مہر ،حافظ نعمان صدیقی،پروفیسر حافظ بلال سعید چشتی، و دیگر نے کی ریلی میں شامل نعت خواں حضرات نے حضور نبی اکرم صلی اللہ علیہ وسلم کو نظرانہ عقیدت پیش کیا جبکہ ریلی کی روانگی سے قبل شرکاء سے علما کرام نے عقائد دو جہاں کی سیرت و مطہرہ پر خطاب کرتے ہوئے مفصل روشنی ڈالی، مقررین نے کہا کہ پوری انسانیت پیغمبر اسلام کی تعلیمات اور ان کی زندگی سے سبق سیکھتے ہوئے کامیابی حاصل کر سکتی ہے۔
آج امت مسلمہ اپنی زندگی میں شامل ہر خرابی کو ختم کرنا چاہتی ہے تو حضور صلی اللہ علیہ وآلہ وسلم کی غلامی کا پٹہ اپنے گلے میں ڈال لے۔ فکر اسلامی کی بیداری کیلئے گھر گھر جشن عید میلاد النبی کی محافل کا انعقاد ضروری ہے ا نہوں نے کہا آج ہمیشہ کی طرح علما مشائخ طلبا کا ریلی میں جوش و خروش دیکھ کر واضح ہوتا ہے کہ مسلمانوں کا مستقبل بھی ماضی کی طرح روشن ہے ۔ریلی نماز مغرب کے بعد جامعہ مسجد گلزار مدینہ راہوالی سے شروع ہو کر جی ٹی روڈ پر چناب گیٹ ، مین بازار، شوگر مل چوک سے ہوتی ہوئی منڈیالہ وڑائچ موڑ سے واپس شا ہرہ قائد اعظم سے گزرتی ہوئی جامعہ چشتیہ رضویہ ضیا القران میں ا ختتام پذیر ہوئی ۔ریلی کے اختتام پر جامعہ چشتیہ کے نائب مہتمم حافظ عطاا لمصطفیٰ جمیل کی طرف سے ختم شریف ، دعاکے بعد شرکا ء میں لنگر تقسیم کیا گیا۔
