گوجرانوالہ ( آئی ایم ایم)تحریک اہل سنت پاکستان ضلع گوجرانوالہ کے زیر اہتمام عید میلاد النبی ۖکا شاندار جلوس نکالا گیا جلوس کی قیادت مرکزی نائب صدر صاحبزادہ پیر محمد ضیا اللہ قادری ضلعی صدر چوہدری جہانگیر مہر ،سیکرٹری مالیات حافظ محمد جمیل نقشبندی، سیکرٹری نشر و اشاعت قاری محمد علی صدیقی، انجمن تاجران کھیالی کے عہدے داران اور دیگر مساجد کے علماء نے کی جلوس کے راستوں میں لوگوں نے دودھ کی سبیلیں شربت کی سبیلیں کھانے کے انتظامات کر رکھے تھے بلکہ یہاں تک ایک عاشق رسول ۖنے جلوس کے شرکا ء پر نوٹوں بارش کی، جلوس مدرسہ رحمت القرآن سے برآمد ہوا اور مختلف راستوں سے ہوتا ہوا جامعہ مسجد بلال میں ا ختتام پذیر ہوا ،جلوس کے شرکاء سے خطاب کرتے ہوئے علماء نے کہا کہ 12 ربیع الاول کو رحمت کائنات اس دنیا میں جلوہ گر ہوئے ہم ا پنے ا قا کی آ مد پر خوشی مناتے ہیں.

حضور کی سیرت طیبہ کو مختلف پہلوں پر گفتگو کر کے لوگوں کے دلوں میں حضور کی محبت معجزن کرتے ہیں تاکہ لوگ سیرت طیبہ پر عمل کر کے امن و امان کی زندگی بسر کرتے رہیں اس موقع پر ملک کی سلامتی اور سید زادے سید صادق حسین شاہ ودیگر بیماروں کے لیے صحت کی دعا بھی کی گئی جلوس کے راستوں کو قمقموں اور جھنڈیوں سے محرابی دروازوں سے سجایا گیا تھا فضا تکبیر ورسالت اور تاجدار ختم نبوت کے نعروںسے گونجتی رہی شرکاء جلوس کی تعداد ہزاروں میں تھی۔