گوجرانوالہ( آئی ایم ایم)اہل حدیث یوتھ فورس سٹی گوجرانوالہ کے زیر اہتمام 33ویں سالانہ سیرت تاجدار انبیاء ۖ کانفرنس چوک گھنٹہ گھر گوجرانوالہ میں منعقد ہوئی کانفرنس سے خطیب شہر مولانا اسعد محمود سلفی ،مہمان مبلغ اسلام مولانا خلیل الرحمن جاوید ،مولانا یوسف پسروری، مولانا عبدالرزاق ساجد، مولانا اسماعیل عتیق ،مولانا بنیا مین عابد، مولانا حنیف ربانی، ناظم شہر ابرار ظھیر،اہل حدیث یوتھ فورس سٹی گوجرانوالہ کے صدر احسان الہی بھٹی،جنرل سیکرٹری انس بن مالک و یگر مقررین نے خطابات کرتے ہوئے کہا کہ ہرمسلمان کیلئے نبی اکرم ۖ کی سیرت کواپنانا اورآپ کی حرمت کادفاع کرنافرض ہے۔ نوجوانوں کواسلام کاہراول دستہ بننا ہوگا، دفاعِ ناموسِ رسالت ۖ کی راہ میں ملنے والی ہرتکلیف سعادت اورموت شہادت ہے جس کے حصول کی ہم خواہش رکھتے ہیں اس لئے ہماری جدوجہد آگے ہی بڑھے گی۔ ہماری دعوت قرآن و سنت کی دعوت ہے جو نبی کریم ۖ لے کر آئے تھے اور ہم اس دعوت کو ہر جگہ عام کرنے کیلئے ہر دم کوشاں رہیں گے۔ سٹی صدر احسان الہی بھٹی نے کہا کہ اہلحدیث یوتھ فورس سٹی گوجرانولہ کے زیر اہتمام شہر گوجرانولہ میں کئی پروگرام سیرت کے منعقد ہوتے ہیں مگر سیرتِ تاجدار انبیا صلی اللہ علیہ وسلم کانفرنس جو کہ چوک گھنٹہ گھر میں منعقد کی جاتی ہے لوگ اس کانفرنس کے انتظار میں ہوتے ہیں کہ کب منعقد ہو اور اپنے دلوں کو رسول اللہ صلی اللہ علیہ وسلم کی محبت سے آبیاری کی جائے ایمان تازہ ہو جائے اس لئے ملک پاکستان سے جید علما کرام کو مدعو کیا جاتا ہے ۔

خطیب شہر مولانا اسعد محمود سلفی نے اپنے خطاب میں کہا کہ ہمیں اپنی زندگیوں اسوہ حسنہ میں ڈھال لینا چائیے تاکہ زندگی کے ان لمحات کا فائدہ اٹھا یا جاسکے اور کراچی سے آئے مہمان مبلغ اسلام مولانا خلیل الرحمن جاوید نے اپنے خطاب میں اتباع سنت صلی اللہ علیہ وسلم پر روشنی ڈالتے ہوئے کہا کہ جب سنت آجائے تو بدعت چلی جاتی ہے ۔شرکاء کانفرنس نے مولانا یوسف پسروری مولانا عبدالرزاق ساجد مولانا اسماعیل عتیق مولانا بنیا مین عابد مولانا حنیف ربانی ناظم شہر ابرار ظھیر و دیگرکے خطابات کو بہترین قراردیا اور احسان الہی بھٹی سٹی صدر اور جنرل سیکرٹری انس بن مالک اور ان کی پوری ٹیم کو کامیاب تاریخی کانفرنس منعقد کرنے پر مبارک باد دی ہے۔