رحیم یار خان(آئی ایم ایم)گورنر خیبرپختونخوا فیصل کریم کنڈی نے کہا ہے کہ پاکستان پیپلز پارٹی نے ہمیشہ ملک کے وسیع تر مفاد میں کام کیا ہے اور عوامی فلاح و بہبود کو اولین ترجیح دی ہے ان خیالات کا اظہار انہوں نے رحیم یار خان میں سابق امیدوار صوبائی اسمبلی راجہ سولنگی کی جانب سے دعا چوک پر منعقدہ عوامی استقبالیہ تقریب سے خطاب کیا، جلسہ سے میزبان سابق امیدوار راجہ سولنگی ، پیپلز پارٹی رحیم یار خان کے صدر سردار حبیب الرحمن خان نے بھی خطاب کیا گورنر خیبرپختونخوا فیصل کریم کنڈی نے کہا کہ پیپلز پارٹی کی قیادت نے ہر دور میں عوام کے مسائل کو حل کرنے کے لیے عملی اقدامات اٹھائے ہیں اور ملک کی ترقی میں اہم کردار ادا کیا ہے۔ انہوں نے کہا کہ رحیم یار خان کے عوام نے ہمیشہ پیپلز پارٹی کی قیادت پر اعتماد کیا اور اس قیادت نے یہاں کے باسیوں اور وسیب کی بھرپور خدمت بھی کی انہوں نے کہا کہ بے نظیر انکم سپورٹ پروگرام کی چیئرپرسن ہماری جماعت کی مخلص لیڈر ہیں وہ ان شاءاللہ رحیم یار خان آئیں گی اور یہاں کی خواتین کو بی آئی ایس پی سے متعلق تمام مسائل حل کرینگی انہوں نے کہا کہ آنے والے انتخابات میں وزیر اعظم پاکستان بلاول بھٹو زرداری ہونگے اور عوامی خدمت کے نئے دور کا آغاز ہوگا انہوں نے شدید گرمی میں شاندار عوامی اجتماع کے انعقاد پر راجہ سولنگی کو خراج تحسین پیش کیا انہوں نے کہا کہ پیپلز پارٹی نے ملک کو مضبوط بنانے کے لیے جمہوری اقدار کو فروغ دیا اور آئینی بالادستی قائم رکھنے کی جدوجہد کی۔انہوں نے موجودہ سیاسی حالات پر بات کرتے ہوئے کہا کہ پیپلز پارٹی ملکی استحکام اور عوامی خوشحالی کے لیے اپنا کردار ادا کرتی رہے گی۔
فیصل کریم کنڈی کا کہنا تھا کہ ملک کو درپیش چیلنجز کا سامنا کرنے کے لیے تمام سیاسی جماعتوں کو مل کر کام کرنا ہوگا تاکہ پاکستان کو درپیش مشکلات کا خاتمہ کیا جا سکے۔انہوں نے کہا کہ خیبرپختونخوا میں امن کی صورتحال انتہائی ناگفتہ بہہ ہے۔ وزیر اعلی ڈائیلاگ بولنے دھمکیاں دینے اور معاہدات کی پاسداری تک محدود ہے صوبہ میں کرپشن عام ہے اور عوام عدم تحفظ کے احساس سے دوچار ہیں قبل ازیں رحیم یار خان سٹی سے پیپلز پارٹی کے سابق امیدوار اور معروف عوامی شخصیت راجہ سولنگی نے اپنے خطاب میں گورنر خیبرپختونخوا فیصل کریم کنڈی کا شکریہ ادا کیا انہوں نے کہا کہ گورنر نے ایک ورکر کی دعوت پر رحیم یار خان جلسہ میں شرکت کرکے ثابت کیا ہے کہ وہ پیپلز پارٹی کے کارکنوں سے کتنی محبت کرتے ہیں پیپلز پارٹی کی مرکزی قیادت کو ہم سلام پیش کرتے ہیں جس نے اتنے اعلی ظرف انسان کو گورنر خیبرپختونخوا بنایا ۔ گورنر خیبرپختونخوا کو رحیم یار خان ائیرپورٹ سے خصوصی قافلہ میں جلسہ گاہ لے جایا گیا جہاں عوام کی بڑی تعداد نے دعا چوک پر ان پر پھولوں کی پتیاں نچھاور کیں جیئے بھٹو ۔ جئے بے نظیر ، جئے زرداری ، جئے بلاول بھٹو زرداری اور فیصل کریم کنڈی کے حق میں فلک شگاف نعرے لگائے.
