گوجرانوالہ(آئی ایم ایم)پیزا دیر سے دینے کی بنا پر غنڈہ عناصر کی شدید غنڈہ گردی تھانہ سیٹلائٹ ٹائون کے علاقہ فرید ٹان پرانی چونگی کے قریب واقع پیزا پوائنٹ میں اتفاق کالونی کے رہائشی عدنان میر نے 10 ساتھیوں کے ہمراہ دھاوا بول دیا جبکہ پیزا پوائنٹ پر حملہ کرکے پیزا شاپ کے مالک رانا مبارک علی اس کے تین بیٹوں رانا علی , رانا عثمان , آنکھوں سے معذور رانا عبدالرحمان اور ملازم ابوبکر پر تشدد کی انتہا کر دی جس سے چاروں شدید زخمی ھو گئے جبکہ لوگوں کے بیچ بچا کی کوشش کو خاطر میں نہ لاتے ھوئے حملہ آوروں نے پیزا شاپ کا فرنیچر تہس نہس کرکے رکھ دیا , یاد رھے لوگوں نے پولیس سے رابطہ کیا مگر پولیس تاخیر سے پہنچ پائی لیکن اس دوران عدنان میر اور اس کے ساتھی غنڈہ گردی کرتے اور دہشت پھیلانے کے بعد تسلی سے فرار ھو گئے ۔

زخمیوں کو فوری طبی امداد کے لئے سول ہسپتال داخل کروادیا گیا ہے پیزا شاپ کے مالک رانا مبارک علی نے ہسپتال سے نتیجہ لیکر متعلقہ تھانہ میں فوری کاروائی کے لئے درخواست دے دی ہے ۔جبکہ پولیس بااثر ملزمان کو بچانے کے لئے روایتی حربے استعمال کرتے ہوئے ٹال مٹول سے کام لے رہی ہے۔ قریبی عوامی سماجی حلقوں، دوکانداروں نے واقع کی مزمت کرتے ھوئے ملزمان کو فی الفور گرفتار کرکے قرار واقعی سزا کا مطالبہ کیا ھے تاکہ تاجروں کو تحفظ مل سکے۔