گوجرانوالہ( آئی ایم ایم)فلسطین اور پوری دنیا کے مسلمانوں سے توحید اور نبی اخر الزماں کی سنت کا رشتہ ھے اسی لاالہ الااللہ محمد رسول اللہ پر اکٹھے ہو کر مسلمانان برصغیر نے عظیم قربانیوں کے بعد پاکستان حاصل کیا۔ ان خیالات کا اظہار سینئر نائب ناظم اعلی مرکزی جمعیت اہلحدیث پاکستان علامہ محمد نعیم بٹ نے مرکزی جمعیت اہل حدیث فیروز والا روڈ کے زیر اہتمام 30 ویں سالانہ یا اللہ مدد کانفرنس چوک پیپلز کالونی میں کیا۔ اس موقع پر سرپرست مرکزیہ پنجاب علامہ سید سبطین شاہ نقوی نے کہا اللہ تعالی اور رسول اکرم سے سچی محبت آپ کی حقیقی تابعداری اور وفا داری سے ممکن ہے انہوں نے مزید کہا فلسطینیوں اور دوسرے مسلمانوں ہر ظلم وبربریت ہر عالم اسلام کے حکمرانوں کو مضبوط عملی اقدامات کرنے چاہئیں ملک پاکستا ن کی بنیاد اسلام پر ھے اسکا استحکام اسلام کے عملی نفاذ میں ھے مرکزی جمعیت اہلحدیث علامہ پروفیسر ساجد میر کی قیادت میں ملک پاکستان اور اسلام کے خلاف ھر سازش کا بر وقت اور ھر وقت مقابلہ کرے گی ختم نبوت ناموسِ صحابہ و اہلبیت ھر محاذ پر چوکیداری کرتے رھیں گے کسی کو نقب زنی کی اجازت نہیں دی جائے گی،حافظ اسعد محمود سلفی نے کہا کہ حلال کمانا اور حلال کھانا ہی اولاد کی بہتری اور کامیابی کا ذریعہ اور سبب ہے حرام کے لقمے کی وجہ سے کبھی بھی اولادنیکی اور کامیابی پر نہیں رہ سکتی ۔

دیگر مقررین مولانا محمد عبداللہ نثار مولانا محمد الیاس مدنی مولانا محمد اسحاق اوکاڑوی نے بھی خطاب کیا ،مقررین نے ڈاکٹر ذاکر نائیک کو پاکستان آنے پر انہیں خوش آمدید کہا اور کہا کہ ڈاکٹر صاحب اسلام کے سچے داعی اور اھل اسلام کی طرف سے مضبوط آواز ھیں۔ کانفرنس کی سرپرستی مولانا حافظ عمران عریف اور مولانا محمد صادق عتیق اور صدارت امیر مرکزیہ شہر پروفیسر سعید کلیرو ی نے کی۔ مہمانان خصوصی مولانا ابراھیم محمدی امیر مرکزیہ وزیر آباد اور مولانا ابرار ظہیر ناظم مرکزیہ شہر تھے ۔کانفرنس میں کثیر تعداد میں علما اور عوام نے شرکت کی۔ آخر میں سامعین میں سے بذریعہ قرعہ اندازی ایک عمرہ ٹکٹ کا بھی اعلان کیا گیا۔