اسلام آباد(آئی ایم ایم) اسلام آباد چیمبر آف کامرس اینڈ انڈسٹریز (آئی سی سی آئی) کے صدر ناصر منصور قریشی نے عوامی مسائل کے حل میں میڈیا کے اہم کردار کو سراہتے ہوئے دارالحکومت کی ترقی اور مقامی معیشت کو فروغ دینے کے لیے نیشنل پریس کلب (این پی سی) کے ساتھ تعاون جاری رکھنے کے عزم کا اظہار کیا ہے۔ یہ باتیں انہوں نے پاکستان فیڈرل یونین آف جرنلسٹس (PFUJ) کے صدر افضل بٹ کی قیادت میں نیشنل پریس کلب (NPC) کے ایک وفد سے ملاقات کے دوران کہی، جس نے ICCI کے نو منتخب عہدیداروں اور ایگزیکٹو کمیٹی کے اراکین کو مبارکباد دینے کے لیے چیمبر کا دورہ کیا۔ناصر منصور قریشی نے سعودی سرمایہ کاروں کے حالیہ دورہ اور شنگھائی تعاون تنظیم (SCO) کے اسلام آباد میں ہونے والے آئندہ اجلاس کو دوست ممالک کے ساتھ پاکستان کے بڑھتے ہوئے رابطوں اور سرمایہ کاروں کی دلچسپی میں اضافے کے ثبوت کے طور پر اجاگر کیا جس سے مثبت اقتصادی نتائج برآمد ہونے اور پاکستان کو خوشحالی کی راہ پر گامزن کرنے کی امید ہے۔.
صدر قریشی نے نوجوانوں کی اخلاقی اقدار اور اخلاقیات کی تشکیل میں میڈیا کے اہم کردار پر بھی روشنی ڈالی۔ انہوں نے مزید کہا کہ مثبت مواد کو فروغ دے کر، میڈیا نوجوانوں میں اخلاقی اقدار کو بڑھاوا دے سکتا ہے جو کہ آج کے ڈیجیٹل دور میں خاص طور پر اہم ہے، جہاں سوشل میڈیا پلیٹ فارم ہمارے نوجوانوں پر اہم اثرات ڈال رہا ہے۔سابق صدر آئی سی سی آئی اور سیکرٹری جنرل یونائیٹڈ بزنس گروپ (یو بی جی) ظفر بختاوری کی تجارتی، سیاسی، سماجی شعبوں، اور سفارت کاری میں بے مثال خدمات کو سراہتے ہوئے صدر قریشی نے انہیں ملک کے اعلیٰ ترین سول ایوارڈ سے نوازنے کے لیے سب سے موزوں شخصیت قرار دیا۔،آئی سی سی آئی کے سابق صدر اور UBG کے سیکرٹری جنرل ظفر بختاوری نے ICCI اور NPC کے درمیان معاشرتی ترقی کے لیے خصوصاً کاروباری برادری کی مشترکہ بھلائی کے لیے قریبی روابط پر روشنی ڈالی۔
پاکستان فیڈرل یونین آف جرنلسٹس کے صدر افضل بٹ نے آئی سی سی آئی اور این پی سی کے درمیان کئی دہائیوں پرانے قریبی تعاون کو اجاگر کرتے ہوئے کہا کہ عوام تاجر برادری سے بڑی امیدیں وابستہ کر رہے ہیں اور کاروباری رہنماؤں خصوصاً آئی سی سی آئی کی قیادت کو معاشی مسائل کے حل میں پیش پیش رہنا چاہیے۔ صدر نیشنل پریس کلب اظہر جتوئی نے صحافی برادری کی جانب سے آئی سی سی آئی کے عہدیداران کو مبارکباد پیش کرتے ہوئے اس امید کا اظہار کیا کہ دونوں اہم اداروں کے درمیان موجودہ تعلقات آنے والے دنوں میں مزید مضبوط ہوں گے۔سیکرٹری نیشنل پریس کلب نیئر علی نے وفد کے اراکین کا آئی سی سی آئی کی قیادت سے تعارف کرایا۔اس موقع پر آئی سی سی آئی کے ایگزیکٹوز اور ممبران کی بڑی تعداد بھی موجود تھی۔
