اسلام آباد(آئی ایم ایم)اے این ایف کا تعلیمی اداروں کے اطراف میں منشیات فروشی اور منشیات اسمگلنگ کے خلاف کریک ڈاؤن جاری. گزشتہ 24 گھنٹوں کے دوران 2 کارروائیوں میں 4 ملزمان گرفتار. کاروائیوں میں 9 لاکھ روپے سے زائد مالیت کی 13 کلوگرام منشیات برآمد.اقبال شہید ٹول پلازہ اٹک کے قریب رکشہ سے 950 گرام چرس برآمد، ملزم گرفتار.گرفتار ملزم کا تعلیمی اداروں کے طلباء کو منشیات فروخت کرنے کا اعتراف۔

منشیات سے پاک تعلیمی اداروں کا قیام اے این ایف کی اولین ترجیح ہے.موٹروے ٹول پلازہ اسلام آباد کے قریب کار سے 12 کلوگرام چرس برآمد، 3 ملزمان گرفتار. گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔