کراچی(آئی ایم ایم)پاکستان ایئرپورٹس اتھارٹی (PAA) کے ہیڈکوارٹرز میں منعقدہ تقریب میں ادارے نے اپنی آفیشل ویب سائٹ کا آغاز کیا۔ ڈائریکٹر جنرل PAA، ایئر وائس مارشل تیمور اقبال نے تقریب کی قیادت کی، جبکہ ان کے ہمراہ ایڈیشنل ڈائریکٹر جنرل (نامزد) ایئر وائس مارشل ذیشان سعید، ڈپٹی ڈائریکٹر جنرل ایئرپورٹس انجینئر صادق الرحمان, ڈپٹی ڈائریکٹر جنرل ورکس اینڈ ڈیولپمنٹ سمیر سعید اور ڈائیریکٹر ہیومن ریسورس عابد علی بھی موجود تھے۔

آئی ٹی کے عہدیداروں نے ویب سائٹ کی اہم خصوصیات پر بریفنگ دی۔ ایئر وائس مارشل تیمور اقبال نے کاؤنٹ ڈاؤن کے بعد ‘کلک’ کر کے ویب سائٹ کو باضابطہ طور پر آن لائن کر دیا۔ یہ نئی ویب سائٹ PAA کی ڈیجیٹل موجودگی اور عوامی رسائی میں اہم کردار ادا کرے گی۔