پشاور(آئی ایم ایم)پاکستانی باکسر شعیب خان ذہری نے مسقط میں منعقدہ ورلڈ ٹائٹل فائٹ میں اپنے مد مقابل افغان باکسر کو شکست دے کر ٹائٹل اپنے نام کر لیا سلطان قابوس سٹیڈیم مسقط عمان میں فائنل میں افغانی باکسر کو شکست دینے کے بعد شعیب خان زہری نے اپنی فتح پاکستان اور گورنر خیبر پختونخوا فیصل کریم کنڈی کے نام کردی جیتنے کے بعد اپنے ایک وڈیو پیغام میں شعیب خان زہری نے کہا کہ سب سے پہلے تو میں پورے پاکستان کو مبارکباد پیش کرتا ہوں میری یہ فتح پاکستانی عوام کو آنے والے 23 مارچ کی ایڈوانس مبارکباد ہے انہوں نے کہا کہ اس ٹائٹل کو جیتنے کے لیئے میں اپنے تمام سپانسرز خصوصا گورنر خیبر پختونخوا فیصل کریم کنڈی کا خصوصی شکریہ ادا کرتا ہوں ۔شعیب خان زہری کی اس فتح پر گورنر خیبرپختونخوا فیصل کریم کنڈی نے انہیں مبارکباد پیش کی ہے اپنے ایک بیان میں گورنر خیبرپختونخوا نے کہا کہ یہ کامیابی پاکستان کے لئے بے حد فخر کا باعث ہے ، شعیب ذہری کی فتح اس بات کا ثبوت ہے کہ جب ہم اپنے کھلاڑیوں کی سرپرستی کرتے ہیں تو وہ ہمارے ملک کو بے مثال عزت و وقار بخشتے ہیں ، انہوں نے کہا کہ میں پختہ عزم رکھتا ہوں کہ ہمارے کھلاڑیوں اور نوجوانوں ،جو کہ پاکستان کا سب سے بڑا اثاثہ ہیں کو وہ مستقل حمایت فراہم کی جائے جس کے وہ حقدار ہیں۔

ہم ان کی صلاحیتوں کو نظر انداز نہیں ہونے دیں گے ، بلکہ ہم ان کی کوششوں کی مکمل حمایت کریں گے تاکہ وہ عالمی سطح پر پاکستان کا پرچم بلند کرتے رہیں انہوں نے کہا کہ یہ فتح ہم سب کے لئے ایک پیغام ہے کہ آئیں، ان لوگوں کے پیچھے یکجا ہو کر کھڑے ہوں جو ہمارے وطن کو عزت و وقار دلانے کی کوشش کرتے ہیں۔